Konfransinin

QAZIMA MƏHLULU ILƏ ƏLAQƏDAR QAZIMADA 

BAŞ VERƏN MÜRƏKKƏBLƏŞMƏLƏR 

 

  Magistr:                                                            Elmi  rəhbər: 

  Qasımzadə Bəhruz S.                                       Rüstəmov N.Ş. 

  II kurs. Qrup A2227 

 

Qazılmaqda  olan  hər  hansı  quyuda  mürəkkəbləşmə  və 

qəzaların baş verməməsindən ötrü çalışmaq gərəkdir ki, qazıma 

məhlulunun  intervallara  uyğun  olaraq  keyfiyyət  parametrləri, 

rəhbərlik  üçün  qəbul  olunan  və  icrası  məcburi  olan  geoloji 

texniki  tapşırıqda  qeyd  edilən  parametrlərə  uyğun  olsun.  Əks 

halda  mürəkkəbləşmə  və  qəzaların  baş  vermə  ehtimalı  artıq 

dərəcədə  realdır  və  bu  işdə,  ilkin  növbədə,  qazıma  ustası  və 

həmçinin qazıma briqadası məsuliyyət daşıyır. İndi isə qazıma 

məhlulu 

ilə 

bağlı  quyuda  baş  verə  biləcək  əsas 

mürəkkəbləşmələri gözdən keçirək.  

Bunlar quyu divarının uçulub dağılması, bu divarı təşkil 

edən  gilli  süxurlarda  gillərin  şişməsi  və  sonda  quyu  divarının 

daralması,  quyu  divarının  hissələrini  təşkil  edən  süxurların 

müəyyən zamandan sonra deformasiyaya uğrayaraq sürüşməsi, 

divarda novların yaranması, qazıma məhlulunun qismən, bəzən 

isə  tam  olaraq  udulması,  quyuya  qaz,  neft,  su  keçməsinin 

əlamətləri,  sonra  isə  qaz,  neft,  su  təzahürləri,  qazıma  kəməri 

qaldırılan  vaxt  dartılmalarla,  endirilmə  vaxtı  isə  oturmalarla 

hərəkət etməsi və sairə. Həmin mürəkkəbləşmələrdən hər hansı 

birinin zamanında qarşısının alınmaması ağır qəzalarla sonlanır 

ki, onların da ləğv olunnması çoxlu vaxt, əmək və əlavə vəsait 

istəyir.  Odur  ki,  mürəkkəbləşmələrin  başlanğıc  əlamətlərini 

aşkar  edən  kimi,yaranacaq  mürəkkəbləşmələrin  və  qəzaların 

qarşısını almaqdan ötrü təcili tədbirlər görülməlidir. 

 

---

97