Компьютер графикаси

Nazorat savollari:

1. 
   Kompyuter grafikasida nurni geometrik obyektlar bilan kesilishi.
   
2. 
   Sferaning nur bilan kesilishi tavsifi.
   
3. 
   Sferaning nur bilan kesilishiga oid misol keltiring?
   
4. 
   Tekislikning nur bilan kesilishi tavsifi.
   
5. 
   Tekislikning nur bilan kesilishiga oid misol keltiring?
   
6. 
   Parallelepipedni nur bilan kesilishi tavsifi.
   
7. 
   Parallelepipedni bilan kesilishiga oid misol keltiring?
   

Tayanch iboralar: Nurning kesilishi, sferaning nur bilan kesilishi, tekislikni nur bilan kesilishi, parallelepipedni nur bilan kesilishi.

2.7. Bo‘yash. Bo‘yash usullari

Real tasvirlarni yaratishning keyingi qadami bu qurilgan obyektlarni chegaralovchi sirtlarni bo‘yash masalasini echish. Bo‘yash ko‘rinmas chiziq va sirtlarni olib tashlashdan so‘ngi tartibda bajariladi. Bo‘yashning bir necha oddiy usullarini (modellarini) ko‘ramiz.

Yorug‘lik nuqtasidan sirtga tushuvchi yorug‘lik energiyasi singishi, qaytishi (aks etish) yoki o‘tkazib yuborishi mumkin. Singigan, qaytgan yoki o‘tkazib yuborilgan energiya miqdori yorug‘lik to‘lqinining uzunligiga bog‘liq.


Diffuzion qaytish. Yorug‘likning barcha yunalishlar bo‘yicha tekis tarqalishi. Qaytgan yorug‘likning xossalari yorug‘lik manbasining shakli, yo‘nalishiga va yana yoritalayotgan sirtning joylashishiga va uning xossalariga bog‘liq.
Ideal tarqatuvchidan nuqtaviy manbaning yorug‘ligi Lamberning kosinuslar qonuniga asosan qaytariladi.
(1)
Bu yerda I-qaytgan yorug‘likning intensivligi;
I_e – nuqtaviy manbaning intensivligi;
k_d – diffuzion qaytishning koeffisienti (const, 0 ≤ K_d ≤ 1);
θ – yorug‘lik manbasiga e va sirtning (tashqi) normali n yo‘nalishlari o‘rtasidagi burchak.