Kompetensiyalar

Davan davlati (Xitoy manbalarida bu o‘lka shu nom bilan tilga olinadi) taxminan, mil. avv. III asrda paydo bo‘lib, Farg‘ona vodiysida joylashgan. Xitoy hukmdorlari bir necha bor bu davlatni bosib olmoqchi bo‘ldilar, biroq ularning harakatlari behuda ketdi. Harbiy yurishlarning birida ular Davan davlatining poytaxti Ershini qo‘lga kiritdilar, biroq aholisining tovon to‘lashi evaziga uni tashlab chiqishgan. Davan davlati Xitoy va Sharqning boshqa mamlakatlari bilan bo‘lgan xalqaro savdoda
muhim o‘rin tutgan. Xitoy hukmdorlarini ko‘proq Farg‘onaning zotli otlari qiziqtirardi. Otlar naslining biriga hatto ular «Samoviy» deb nom berganlar. «Samoviy otlar» baquvvat va chopqir bo‘lgan.
Qadimshunoslar topgan dalillar Xitoy solnomalaridagi ma’lumotlarni tasdiqladi. Ko‘p sonli aholiga, yaxshi qurollangan va mashq ko‘rgan qurolli kuchlariga ega bo‘lgan Davan mil. avv. II-I asrlarda yuksak taraqqiy etgan davlatga aylangan. Davan davlatining Sho‘rabashat, Uchqo‘rg‘on singari shaharlari atrofi dagi aholi yerni ishlash, sholi va bug‘doy yetishtirish, bog‘dorchilik va uzum yetishtirishda katta yutuqlarga erishgan. Olimlarning aniqlashicha, milodiy III asrda Davan davlati barham topgan.


IV.O`tilgan mavzuni mustahkamlash: 1. Qang’ davlatiga qaysi qabilalar asos solgan?
A) Xorazmliklar; B) Saklar; S) Massagetlar; D) Xitoyliklar.
2. Xitoy bilan urushda g’olib chiqqanlar qaysi davlat aholisi edi?
A) Xorazm; B) Qang’; S) Dovon; D) Eron.
3. Qang’ va Dovon davlatlari haqida qaysi xalq tarixchilari ma’lumot qoldirganlar?
A) Eron; B) Hindiston; S) Xitoy; D) Baqtriya.
4. Dovon davlati nimasi bilan mashhur bo’lgan?
A) Qal’alari bilan; B) Tangalari bilan; S) Otlari bilan; D) Qo’shini bilan. 5. Qadimgi Xorazm, Qang’ va Dovon davlatlari aholisining mashg’ulotlari…..? A) Dehqonchilik; B) Hunarmandchilik; S) Kulolchilik D) Barchasi to’g’ri
6.Xitoy sayyohi Chjan Syan qaysi davlatda 70 ta shahar borligini aytgan?
A) Xorazm; B) Qang’; S) Dovon; D) Eron.