Kompetensiyalar

I.Tashkiliy qism: Izgliz tilida salomlashish, navbatchidan axborot olish, ob-havo, kun yangiliklarini so`rash. Psixologik iqlim yaratish.
Sinf o`quvchilarini 3-guruhga ajratgan holda nomlash hamda mustahkamlovchi topshiriqlar berish.


II.Uy vazifasini tekshirish:
1.Makedoniyalik Aleksandr va Salavkiylar hukmronligi davrida mustaqilligini saqlab qolgan O’rta Osiyo davlati qaysi?
A)Ahamoniylar; B) Xorazm; S) Qang’; D) Dovon. 2. Xorazmdagi qaysi qal’a zalida 20 dan ko’p haykal o’rnatilgan?
A) Jonbosqal’a; B) Qo’yqirilganqal’a; S) Tuproqqal’a; D) Oybo’yirqal’a. 3.Qaysi O’rta Osiyo davlatida taqvim yaratilgan?
A) Xorazm; B) Qang’; S) Dovon; D)Baqtriya.


III.Yangi mavzu bayoni:
Qang` davlati . Xitoy manbalaridan Qang` davlatining Qang`yuy deb atalgani ma’lum. Miloddan avvalgi III asrda unga saklar asos solishgan. Qadimshunoslarning aniqlashicha, Toshkent viloyatining Oqqo`rg`on tumanidagi Qang`ha shahar xarobasi saklarning o`sha kezlardagi poytaxti Qang`dez bo`lib, unga miloddan avvalgi III asrda asos solingan. Xitoy tarixchilari bu shaharni Bityan deb atashgan.
Qang` davlatining asosiy shaharlari Sirdaryo sohillari bo`ylab joylashgan edi. Miloddan avvalgi II asr oxirida Qang` qabilalarning eng qudratli davlat birlashmasiga aylanadi. Uning hukmdorlari hatto o`z nomidan tanga zarb qiladi. Qang` davlatida ulkan istehkomlar, qal’a, shahar ibodatxonalari, savdo va hunarmandchilik mahallalari barpo etiladi. Davlat markazlaridan biri Toshkent vohasi edi. Ayni shu hududda o`troq ziroatchi va savdo-hunarmandchilik madaniyati vujudga keldi. Mamlakat iqtisodiyotining gullab-yashnashiga uning hududidan Buyuk Ipak yo`lining shimoliy tarmog`i o`tganligi imkon yaratdi. Lekin, ayni shu hol Xitoy bilan urushlarning kelib chiqishiga sabab bo`ldi. Bu urushlarda qang`arlar (Qang` davlati aholisini shunday atashgan) ko`pincha g`olib chiqar edilar. Masalan, Qang` davlatiga yurishlardan birida jo`natilgan 60000 nafar xitoylik jangchidan 10000 ga yaqini Xitoyga qaytib kelgan, xolos. Milodiy III asrga kelib Qang` davlati parchalanib ketdi.