Коммуникациялари техникуми оптик алоқа тизимлари

Объектлар – бошқариладиган коммутацион станциялар, узатиш тизимлари ва бошқаларни таърифлаш воситаси. Муайян тармоқ элементи хақидаги информация объект сифатида ТБТнинг маълумотлар базасида сақланади.

17.7-расм. Уланиш жойларининг турлари

Бу архитектуранинг асосини амалий бошқариш функцияси (АБФ) – ТБТ элементини амалий бошқариш жараёни ташкил этади. АБФ агент (бошқарилувчи) ва менеджердан ташкил топган. Хар бир тармоқ элементи ва операцион тизим ёки ЎМҚсига жуда бўлмаганда бир агент кирган АБФсини қўллаб-қувватлаши керак.

Менеджер (М) - дастурли логика (бошқарувчи дастур) ёки тармоқни бошқариш фунциясини бера оладиган (масалан: авария хақидаги хабарларни ажратишни, чегаравий қийматларни ўрнатишни амалга ошириш) ва ававрия ва ишчи характеристикалар хақидаги ахборотларни қабул қила оладиган, АБФнинг бир қисми. РУТнинг тармоқ элементларига менеджер кириши хам, кирмаслиги хам мумкин.
Операцион тизим ёки ЎМҚга жуда бўлмаганда бита менеджер киради ва у қуйидаги икки функцияни бажариши керак:

1. 
   Бошқарувчи команда генерацияси («Ўрнатиш», «Ажратиш», «Реконфигурациялаш», «Тақиқлаш»);
   
2. 
   Бошқарувчи команданинг бажарилиши хақидаги тасдиқлашларни қабул қилиш ва қайта ишлаш.
   

Агент (А) – дастурий логика (холатнинг мониторинг дастурлари ва ресурс назорати) АБФнинг бир қисмини намоён этади, у менеджер томонидан бериладиган, тармоқни бошқариш операцияларига чақириқни амалга ошириш имкониятига эга ва бошқарилувчи объектлар номидан хабарларни бериб, бошқарилувчи объектлар билан операцияларни бажаради.
Бу логика қуйидаги имкониятларга эга:

1. 
   Менеджердан олинган командаларнинг мувофиқ объект имконияти/ресурсларига таъсир этиш қобилияти.
   
2. 
   Бошқарилувчи объект ҳолатини доимий назорат (мониторинг) қилиш.
   
3. 
   Тасдиқномаларни бериш.
   
4. 
   Турли сатҳларнинг бошқарилувчи объектлари ўртасида ахборот алмашинувига ёрдам бериш.
   

Агент ва Менеджер ўртасидаги барча ахборот алмашинувлари ўзаро муносабат протоколи воситасида рўй беради, у бошқарувчи командалар кетма-кетлиги ва алмашинув кўринишини аниқлайди. Бу ўзаро муносабат протоколи CMIP (Common Management Information Protocol) деб аталади.