Kochia scoparia

Тадқиқотда қўлланилган методиканинг тавсифи:флора ва геоботаниқага оид масалаларни ҳал қилишда классик морфологик-географик, қиёсий флористик методлардан ҳамда мавжуд илмий манбалардан фойдаланилди. Ўсимликнинг ҳаётий шаклини аниқлашда И.Г.Серебряков[89] таснифи асос қилиб олинди. Турнинг ўсимликлар қопламида тутган ўрнини аниқлашда ва уларни таснифлашда геоботаниқ ананавий методлардан [26, 27, 64, 73, 103, 113] фойдаланилди. Ўсимликларнинг экологик гуруҳлари П.М.Генкель [33], Н.И. Акжигитова [2], И.Н.Бейдеман [16],ва Т.Рахимова [82] таснифлари асосида аниқланди.
Тадқиқот натижаларининг назарий ва амалий аҳамияти: Фақатгина Фарғона вилояти шароитида эмас, Тошкент шаҳри шароитида ҳам Kochia scoparia (L.)ўсимлигини маданийлаштириш тўғрисида маълумотлар олинди ва бу шароитда биомассаси ва уруғ ҳосилдорлиги учун экологик муҳит етарли эканлиги асосланди.
Иш тузилмасининг тавсифи.Диссертация кириш, 3 боб, хулосалар, фойдаланилган адабиётлар рўйхати ва иловалардан иборат. Ишнинг матни 64 бетдан иборат бўлиб, 62 та адабий манба (шундан 10 таси чет эл адабиёти), 8 та интернет сайтлари,3 та жадвал,30 та расм, 2 та климадиаграммани ўз ичига олади.
Диссертация ишининг кириш қисмида ўтказилган тадқиқотларнинг долзарблиги ва зарурияти асосланган, тадқиқотнинг мақсади ва вазифалари, объекти ва предметлари тавсифланган, республика фан ва технологиялари ривожланишининг устувор йўналишларига мослиги кўрсатилган, ишнинг илмий янгилиги ва амалий натижалари баён қилинган, олинган натижаларнинг илмий ва амалий аҳамияти очиб берилган.
Диссертация ишининг биринчи бобида адабиётлар шарҳи ва таҳлилига бағишланган. Ўсимлик ўрганилган ҳудудлар: Тошкент адирларининг физик-географик характеристикаси. Фарғона водийси (Олтиариқ тумани) адирларининг физик-географик характеристикаси ҳақида маълумотлар келтирилган.
Диссертация ишининг иккинчи бобида, Kochia scoparia (L.) Schrad ўсимлигининг биоэкологик хусусиятлари, ўсимликнинг систематикаси, морфологик тавсифи ва тарқалиши, ўсимликнинг мавсумий ривожланиш биологиясини ўрганишга бағишланган.
Илмий натижаларнинг тахлили деб номланган учинчи бобда ҳудудда олиб борилган ишларнинг таҳлилий кўрсаткичлари ва бу борада олиб борилган дала тадқиқот ишлари ёритилган, шунингдек ҳўжаликдаги ва амалий аҳамияти кўрсатиб ўтилган.
Агар яйловларда мана шу серхосил, озуқабоп ва қурғоқчиликка чидамлик экинлар эқилса, хосилдорлик кескин ошади. Шунинг учун хам бизнинг магистрлик ишимиздан мақсадимиз Тошкент ва Фарғона адидларишароитида Kochia scoparia ўсимликларининг биоэкологик хусусиятларини ўрганишдан иборат.