Kochia scoparia

1.1. Тошкент адирларининг физик-географик характеристикаси
Географик жойлашуви (Тошкент шахри):ЎзМУ Ботаниқа боғининг табиий шароити. Мирзо Улуғбек номидаги Ўзбекистон Миллий университети Ботаника боғи адир минтақасида жойлашган.
Тошкент шаҳрининг табиати кўп жиҳатдан унинг географик ўрни, ён-атрофи ер юзасининг тузилиши билан боғлиқ. Шаҳар Ғарбий Тяньшаннинг Қоржонтов, Угом, Писком, Кўксув ва Чатқол тизмалари орасидан оқиб чиқадиган Чирчиқ дарёси водийсининг ўрта қисмида, дарёнинг ўнг томонидаги паст-баланд тоғ олди текислигида жойлашган. Бу ҳудуд ўзининг табиий географик шароитига кўра шимолий яримшардаги субтропик чўллар зонасининг Турон табиий географик провинцияси таркибига киради.
Геологик тузилиши. Адир - бу табиий-тарихий зона бўлиб Ўрта Осиё тоғ тизмалари ва чўл текисликлари зоналари орасида жойлашган. Адир минтақасига Тошкент, Фарғона водийсидаги адирлар, Нурота, Молгузар, Зарафшон, Бойсун ва Боботоғнинг этаклари, Қарши шахарларининг, Шахрисабз, Денов раёнининг атрофлари киради.
Биз тажриба олиб борган жой денгиз сатхидан 470 м баландликда жойлашган бўлиб, пастки адир минтақасида жойлашган.
Тупроғи - оч тиниқ, бўз бўлиб, шўрлашган ер ости сувларининг чуқурлиги 6 м.Тошкент Ўрта Тяньшаннинг, асосан, Герцин магматизми билан тавсифланадиган Чатқол-Қурама геологик зонасида жойлашган.
Иқлими - кескин континентал, ёз ойлари иссиқ, қуруқ, қиши эса совуқдир. “УЗГИДРОМЕТ” Тошкент метиостансиясининг кўп йиллик маълумотларига асосан ҳавонинг ўртача йиллик харорати 15,5 Ц, йилнинг энг иссиқ вақти июн, август ойлари бўлиб, 36-39ºС ни, энг совук вакти январ, феврал ойлари бўлиб харорат 11 ºС ни ташқилқилади.Хавонинг намлиги 58 %.Ёғинниг ўртача кўп йиллик миқдори 428 мм ни ташқилқилади.
Бизнинг изланишларимиз 2019 – 2020 йилларда олиб борилган бўлиб, ҳудуднинг иқлим шароитини “Бўз - сув” метеостансияси маълумотлари асосида таҳлил қилинган (1-жадвал, 1-расм).

1-расм. Тошкент шаҳри шароитида Валтер-Гассен бўйича тузилган климадиаграмма

“Бўз - сув” метеостансияси маълумотлари асосида