Klinik laboraтoriya тekshirish usullari

Vaginal yoki uretral surtmani tayyorlash va fiksatsiyalash.
A. Zaruriy materiallar: qin yoki uretradan tamponda olingan yangi
material; toza buyum oynalari; mumqalam; spirt lampasi (gorelka).

---

134
B. Т a y y o r l a s h t e x n i k a s i :
1. Buyum oynasining pastki tomoniga mumqalam bilan belgi
qo‘yiladi.
2. Тampondagi ajralmani buyum oynasiga diametri 15 – 20 mm
keladigan aylana ko‘rinishidagi yupqa qatlam qilib ohista surkaladi.
3. Surtma havoda quritib olinadi.
4. Buyum oynasining bir burchagidan pinset bilan ushlab,
alanga ustida issig‘i siz tomonga o‘tmaydigan qilib tutib turiladi.
5. Buyum oynasining pastki tomonini alanganing rangsiz yoki
zangori qismi ustida taxminan 3 sekund qizdiriladi.
6. Gram usulida bo‘yash oldidan surtma sovitib olinadi.
Vaginal yoki uretral surtmani Gram usulida bo‘yash. A. Zaruriy
materiallar: alangada qotirilgan surtma; surtmalarni bo‘yash uchun
taglik; soat; pinset; yuvishga ishlatiladigan suv quyilgan shisha idish;
spirt lampasi; 0,2 % li kristallviolet (yoki 0,5 % li gensianviolet)
eritmasi; Lyugol eritmasi; 90 – 95 % li etil spirt; safronin (yoki
0,2 % li neytralrot); bo‘yalgan surtmalarni quritish uchun shtativ.
B. I s h n i n g b o r i s h i :
1. Qotirilgan surtma bo‘yash uchun ishlatiladigan taglikka qo‘yiladi.
2. Surtmaga kristallviolet tushirilib, surtma 1 daqiqa davomida
bo‘yaladi.
3. Suv quyib yuviladi va suv yuqlari silkitib tushirib yuboriladi.
4. Surtmaga Lyugol eritmasi tushirilib, surtma 1 daqiqa davomida
bo‘yaladi.
5. Suv quyib yuviladi va suv yuqlari silkitib tushirib yuboriladi.
6. Surtma ustiga 90 – 95 % li etil spirti quyilib, 30 soniya
qoldiriladi.
7. Suv quyib yuviladi va suv yuqlari silkitib tushirib yuboriladi.
8. Surtmaga safronin tushiriladi va 30 – 60 soniya davomida
surtma yana bo‘yaladi.
9. Surtma suv quyib yuviladi, suv yuqlari tushirib yuboriladi
va bo‘yalgan surtmalarni quritish uchun mo‘ljallangan shtativga
qo‘yib, uy haroratida quritib olinadi.
10. Mikroskopda tekshirishdan oldin surtma batamom qurigan
bo‘lishi kerak.