Klinik laboraтoriya тekshirish usullari

G. Siydikni mikroskopda tekshirish. Тahlil uchun barcha
qoidalarga amal qilingan holda yig‘ib olingan siydik yig‘ilgan paytidan
boshlab hisoblaganda bir soat ichida tekshirilishi kerak. Mikroskopiya
uchun sentrifugalash yo‘li bilan olingan siydik cho‘kmasi kerak
bo‘ladi. Agar sentrifuga bo‘lmasa, cho‘kma olish uchun siydik
birmuncha vaqt tindirib qo‘yiladi. Siydik cho‘kmasi eritrotsitlar,
leykotsitlar, silindrlar, achitqi zamburug‘lari, bakteriyalar, sodda
jonivorlar, tuz kristallari va epiteliy hujayralarini topish uchun
tekshirib ko‘riladi.
3.3.1. Siydikni yig‘ish
Umumiy tahlil uchun bir martali yangi peshobning o‘zi odatda
yetarli bo‘ladi. Siydik bemorga qulay bo‘lgan, og‘zi keng, toza,
quruq va butun idishga yig‘iladi. Idishda dezinfeksiyalovchi
vositalarning yuqlari bo‘lmasligi kerak.
Тahlil uchun yig‘ilgan siydikda qin ajralmalari yoki hayz qoni
ko‘rinishidagi aralashmalar bo‘lmasligi lozim. Тahlil uchun siydik
yig‘ishdan oldin tashqi jinsiy organlarni oldindan orqa tomonga
qarab yuvib olish kerakligini ayolga tushuntirish kerak.
Siydikni yig‘ish usullari. Ertalabki peshobning o‘rta porsiyasi
eng yuqori konsentratsiyali bo‘ladi. Тahlil uchun juda mos hisob-
lanib, oqsil, nitritlarni aniqlash, mikroskopik ko‘rish, solishtirma
og‘irligini o‘lchash, bo‘yida bo‘lganlikni aniqlash testini o‘tkazish
uchun juda mos keladi.
Ertalabki peshobning o‘rta porsiyasini qanday qilib yig‘ish
kerakligini bemorga tushuntirish kerak. Buning uchun bemor ertalab
turgan paytda hojatxonaga ozgina siyib, siydikning qolgan qismini
quruq va toza idishga yig‘ib olishi lozim.
Kunduzgi peshobning o‘rta porsiyasidan kimyoviy tekshirish
o‘tkazish va mikrobiologik material undirib olish uchun foydalanish

---

34
mumkin. Lekin u siydikning solishtirma og‘irligini aniqlash uchun
yaramaydi.