Күкирт кислотасы өндириси

SO2 ниң окислениў реакциясы тезлигиниң ҳәм контактлестириў процентиниң температураға байланыслылығы

Температура, 0С	425	450	475	500	525	550	575
SO2 окислениў реакциясының тезлиги	1	3,2	5,1	7,7	11,6	16,1	23,3
Контактлестириўдиң теориялық проценти	98,6	97,5	96	93,8	90,6	86,2	80.6

• Катализатордың өнимдарлығы - катализатордың ийелеп турған көлем бирлигинен ўақыт бирлигинде алынатуғын өнимниң муғдары түсиниледи, мысалы т/м3•саат.

Ванадий ҳәм оның каталитикалық қәсийети

• V2O5 тиң каталитикалық қәсийети XIX әсирдиң 80-жылларынан баслап белгили ҳәм оның күкиртли ангидридти окислендириўи узақ ўақытлар даўамында үйренилип киятыр. Ванадийдиң бес окиси қолланған жағдайда теңсалмақлық ҳалаты салыстырмалы түрде жоқары болмаған температураларда орнайды, бул оны басқа катализаторлардан ажыратып турады. Реакцияның тезлиги тек ванадий ангидридиниң бир өзиниң қатнасында жүдә төмен, сонлықтан ол таза түринде қолланылмайды.
• Өндиристеги ванадийли катализаторлар ишинде каталитикалық активлиги жоқары бирикпелер кремнеземниң бетине отырғызылған силтилик, силтилик жер металлары ҳәм алюминийдиң сульфованадатлары болып есапланады. Барий – алюминий – ванадийден ибарат “БАВ” майда тесикли контактли масса кең түрде қолланылады.
• Ванадийли контактли масса диаметри 5-8 мм болған айрым дәнеше-гранула түринде таярланады. Оны майда кварц қатламының үстине орналастырады, бул катализатордың контактлестириўши үскене решеткасының арасынан түсип ысырап болыўының алдын алады.