Kirisiw. O’siw h’a’m rauajlanıwdın’ ulıwma nızamlıqları. Реже: Adam organizminin’ bir pu’tinligi

Аяқтың еркин сүйеклериниң биригиўи
Шанақ сан буўыны шар тәризли көп оқлы болып, онда фронтал сагитал ҳәм вертикал оқлар әтирапында түрли ҳәрекетлерди орынлаў мүмкин. Шанақ - сан буўыны сан суйегиниң шартәризли басшасы шанақ суйегиниң отыргыш кесасы биригиўинен пайда болады. Бүл буўын ишинде домалақ байлам болыўы менен басқа буўынлардан парқ қылады. Буўын жүзлери бир - бирине жүдә мас туседи.
Дизе буўыны. Бүл буўын адам геўдесиндеги барлық буўынлар ишиндеги ең улкени ҳәм қүрамалы дүзилген болып,үш сүйектиңҮ сан сүйеги,үлкен балтыр сүйеги ҳәм дизе қақпағының арасында пайда болады. Сан сүйегиниң төменги үшындағы еки бирдей өсиктиң алдында дизе қақпағы сүйеги ушын буўын жүзи жайласқан. Сан сүйегиндеги буўын жүзи үлкен балтыр сүйегиниң үстинги ушындағы буўын жүзине туўра келмейди. Себеби бул жүзе он шели шуқыр емес. Бул жетиспеўшилик талшықлы шемиршектен дүзилген арнаўлы ярымай түриндеги пластинкалар жәрдеминде толтырылады. Соның нәтийжесинде буўын жүзлери бир-бирине масласады. Бундай минскилер медиал ҳәм латериал тәрепинде турады. Минскилер ортасында бирине екиншисине тартылған кесе дизе байламы қосымтасында толтырылған болып, бул байлам минскилерди де услап турады. Бул буўындағы сүйеклердиң буўын жүзлери кең болғанлығы ушын, буўын қалтасы ҳәм кең болады. Буўын қалтасының ишки қабаты жүдә көп бүрмелер пайда етеди. Қалтаның ишки кесе байламынан басқа және жүдә беккем кесискен байламлары бар.
Балтыр сүйеклери. Жоқарыда өз - ара тегис буўын пайда етип биригеди. Еки балтыр сүйегиниң денеси арасында беккем фиброз тканынан дүзилген перде болады.
Балтыр асық буўыны пайда болыўында үлкен балтыр сүйегиниң төменги жүзи асық сүйегине биригеди. Бул буўын түте тәризли болып, бир оқлы оның еки тәрепинен сыртқы ҳәм ишки түпик тосып турады. Бүгиў ҳәрекетинде бул тосықлар жетилисип аяқ пәнжеси бираз бүгилед.
Аяқ пәнжесиниң буўынлары. Табан сүйеклери арасында түрли формада буўынлар болып, олар байламлар жәрдеминде беккемленеди. Бул буўынлар аяқ пәнжесиниң түрли ҳәрекетлеринде қатнасады.
Табан сүйеклери менен аяқ пәнже сүйеклери арасында тегис буўын болып, ол аз ҳәрекетшең.