|
Kurs ishi obyekti. “HISOB VA BIZNES BAHOLASh” MChJ baholovchi tashkilot tomonidan tayyorlangan Toshkent viloyati, Qibray tumani, “Zafarobod” QFY xududida joylashgan Omborxona binosini baxolash ekspertizasi .
Kurs ishi predmeti. Xususiylashtirish maqsadida baholangan ko’chmas mulk obektini ekspertizadan o’tkazish jarayonida vujudga keladigan munosabatlar tizimi hisoblanadi.
Kurs ishning maqsadi. Omborxona binosini qiymatini baholashga oid yondashuv va usullar metodologiyasi to’g’ri va haqqoniy ekanligini aniqlash maqsadida tahliliy ekspertizadan foydalangan holda tegishli xulosalar shakllantirish hamda ularning negizida amalliy ko’nikmalarga ega bo’lishdan iborat.
Ushbu maqsadga erishish uchun quyidagi vazifalar belgilangan:
- Xususiylashtirish maqsadida ko’chmas mulk qiymatini baholashning asosiy xususiyatlarini o’rganish
- Ko’chmas mulk obyektini ekspertiza jarayoni tahlil qilish
- Xususiylashtirish maqsadida baxolangan mulkni ekspertiza xulosasini tahliliy natijalarini asoslash.
Kurs ishining tuzilishi va qisqacha mazmuni. Kurs ishi kirish, asosiy qism, foydalanilgan adabiyotlar ro’yxati va xulosadan iborat. Asosiy qisimning hajmi -33 bet bo’lib, unda 5-ta rasm 8-jadval va 4-formula keltirilgan
1. Xususiylashtirish maqsadida ko’chmas mulk qiymatini baholashning
asosiy xususiyatlari
Bozor islohotlariga o’tishning O’zbekiston modeliga ko’ra mamlakat va xalqning iqtisodiy, ijtimoiy, ma’naviy, madaniy xususiyatlarini hisobga olgan holda ko’p ukladli iqtisodiyotni yaratish va xususiylashtirish dasturi ishlab chiqilgan hamda amaliyotga tatbiq etilmoqda. Shunga ko’ra O’zbekistonda, birinchidan, davlat mulki mulkning yangi egasiga faqat sotish yo’li bilan berilishi mumkin. Bu mulk obyektlarining to’g’ri taqsimlanishi va ulardan samarali foydalanishni ta’minlaydi. Ikkinchidan, davlat mulkini xususitlashtirishning maxsus dasturi ishlab chiqilgan va u bosqichma-bosqich amalga oshiriladi. Xususiylashtirish bo’yicha barcha ishlar izchil, bir tizimda olib boriladi. Mulkka munosabatdagi o’zgarishlar jarayoni har yili O’zbekiston Respublikasi Vazirlar Mahkamasi tomonidan tasdiqlanadigan xususiylashtirishning davlat dasturi va tarmoq, mintaqa dasturlari asosida amalga oshiriladi. Uchinchidan, xususiylashtirish muammolari yirik boshqaruv va i.ch. tuzilmalarini monopoliyadan chiqarish, ularning tarkibidan savdo obyektlari va xizmat ko’rsatish sohalarini ajratib olish, shuningdek, muqobil raqobatchi ishlab chiqaruvchi korxonalarini yaratish yo’li bilan birga hal etiladi.
O’zbekistonda xususiylashtirish bir necha bosqichda o’tkazilmoqda. Birinchi bosqichda (1992-1993) "kichik xususiylashtirish" amalga oshirildi. Bu davrda uy-joy, savdo va umumiy ovqatlanish, aholiga maishiy xizmat ko’rsatish, mahalliy sanoat korxonalari xususiylashtirildi (xususiy, oilaviy, jamoa, aktsiyali). Kichik xususiylashtirish natijasida 21800 aktsiyadorlik, 633 jamoa, 18184 xususiy, 661 ijara korxonalari va boshqalardan iborat 53902 turli mulk obyektlari vujudga keldi. Shuningdek, tayyorlov va kayta ishlash tarmoqlarida 25 ming obyekt yoki ular jami miqdorining 96,7% xususiylashtirildi. 1993 yildan engil, oziq-ovqat sanoatlari, transport va qurilish majmualarining o’rta hamda yirik korxonalarini xususiylashtirish boshlandi. Q.x.dagi islohotlar natijasida dastlab 715 davlat xo’jaligi davlat tasarrufidan chiqarildi, ular negizida 325 jamoa, 296 kooperativ, 90 ijara xo’jaliklari vujudga keldi. Mavjud chorvachilik obyektlari, ayniqsa past rentabelli va zarar ko’rib ishlayotgan fermalar asosida 735 yopiq turdagi aktsiyadorlik jamiyatlari tashkil etildi. Shaxsiy tomorqa va dehqon xo’jaliklarini rivojlantirish ishlari olib borildi (680 mingga dan ko’proq maydon yoki sug’oriladigan erlarning 15% shaxsiy tomorqa va dehqon xo’jaliklari ixtiyoriga berilgan). Shunday qilib, respublika iqtisodiyotida nodavlat sektori salmokli o’ringa ega bo’la bordi va 1993-yilda milliy daromadning 35% nodavlat sektori hissasiga to’g’ri keldi. 1994-yil 1-yanvargacha Respublikada 1069414 kvartira xususiylashtirildi. Bu xususiylashtirilishi lozim bo’lgan kvartiralarning 98,98% ni tashkil etadi. Shu bilan "kichik xususiylashtirish" bosqichi tugallandi.
1994-1995 y.larda xususiylashtirishning 2-bosqichi amalga oshirildi. Bu davrda xalq xo’jaligining barcha tarmoqlaridagi qonun yo’li bilan cheklashlar qo’yilmagan korxonalar – xalq xo’jaligining bazaviy tarmoqlari bo’lgan mashinasozlik, yoqilg’i-energetik korxonalari, sanoat, qurilish, transport, kommunal uy-joy xo’jaligi, agrosanoat majmuining tayyorlov va qayta ishlash korxonalari va h.k. xususiylashtirildi. Xususan, "O’zbek-neftgaz" korporatsiyasi, energetika vazirligi, "O’zmashsanoat" assotsiatsiyalarining ko’plab obyektlari, shuningdek, transport korxonalari (avtobus va taksomotor parklari) davlat tasarrufidan chiqarildi. Bu bosqichda 5 ming korxona, jumladan xalq xo’jaligining turli tarmoqlarida 900 dan ko’proq o’rta va yirik korxonalar davlat tasarrufidan chiqarildi.
1996 yildan Davlat mulkini xususiylashtirishning yangi – 3-bosqichi boshlandi. Bu bosqich eng yirik korxonalarni xususiylashtirish, tarmoqlar ichida institutsional o’zgarishlar, yangicha xo’jalik yuritish tuzilmalarini yaratish va b. nazarda tutadi (mas, Toshkent aviatsiya i.ch. birlashmasi ochiq turdagi aktsiyadorlik jamiyatiga aylantirildi, tarmoqlarni boshqarishning yangi tizimi – xoldinglar tashkil etilmoqda).
O’zbekistonda davlat tasarrufidan chiqarish va xususiylashtirish jarayonlarini chuqurlashtirish bo’yicha Davlat dasturiga muvofiq tadbirkorlikni qo’llab-quvvatlash va korxonalarni xususiylashtirilgandan keyingi davrda kat’iy ishlashini ta’minlash choratadbirlari ishlab chiqilgan. Davlat tasarrufidan chiqarilgan korxonalarni xususiylashtirishdan keyingi davrda qat’iy ishlashi uchun maxsus investitsiya fondlari va banklar tashkil etilgan, xususiylashtirishdan kelgan mablag’lar jamg’arilib, ular xususiylashtirilgan korxonalarni rivojlantirish uchun sarflanmoqda. O’zbekistonda aholining kam ta’minlangan qatlamlarini ijtimoiy himoyalash va tadbirkorlarni qo’llab-quvvatlash, korxonalarni eksportbop va raqobatbardosh mahsulot ishlab chiqaradigan qilib texnik jihozlashni ta’minlaydigan aniq yo’nalishli xususiylashtirish amalga oshirilmoqda.
Do'stlaringiz bilan baham: |
