Kirish kurs ishi mavzusining dolzarbligi

KIRISH


Kurs ishi mavzusining dolzarbligi. Mamlakatimizda olib borilayotgan jadal islohatlar natijasida bugun kunda baholash faoliyatini rivojlantirish bo’yicha ham qator ishlar olib borilmiqda. Jumladan 2017-2021-yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasida bank tizimini isloh qilish, banklar depozit bazasining kapitalizatsiyasini chuqurlashtirish va barqarorligini oshirish, ularning moliyaviy barqarorligini va ishonchligini mustahkamlash, istiqbolli investitsion loyihalar hamda kichik biznes va tadbirkorlik subyektlarini kreditlashtirishni yanada kengaytirish iqtisodiyotni rivojlantirish ustuvor yo’nalisharidan biri ekanligi belgilangan¹.
Mulkni davlat tasarrufidan chiqarish va xususiylashtirish barobarida, zamonaviy bozor infratuzilmasini yanada rivojlantirish, jumladan, fond va mahsulot bozorlarini, ko’chmas mulk bozorida ijtimoiy ahamiyatga ega obyektlar bozorlarini, xususiylashtirish, sug’urta fondlarini, auditorlik va konsalting hamda mulkni baholash kompaniyalarini va boshqaruv institutlarini bugungi kun talabi darajasida rivojlantirishni, ularning huquqiy asoslarini yanada mustahkamlashni ilgari suradi. Binobarin, bular xususiylashtirish jarayonlarining ijobiy sur’atlarda borishiga, xususiy mulkdorlar sinfining yanada o’sishi, ko’chmas mulk bozorida ijtimoiy ahamiyatga ega obyektlar rivojlanishiga omil bo’ladi hamda milliy iqtisodiyotda chuqur institutsional o’zgarishlarni amalga oshirish jarayonida moliyaviy resurslar ko’lamini kengaytirishga zamin yaratadi.
Ko’chmas mulk obyekti hisoblangan alohida turar joy binolari qiymatini baholashda bir qancha muammolar vujudga kelmoqda. Chunki ko’chmas mulk qiymatini baholash omillarining o’zgaruvchanligi va qiyoslama usulni qo’llashda muayyan ma’lumotlar bazasining yo’qligi bunga ta’sir ko’rsatmoqda. Mazkur muammolar, pirovardida ko’chmas mulk qiymatini aniq va real baholashga ta’sir qilmoqda. Respublikamizda bozor islohotlarining rivojlanishi va xususiylashtirish jarayonlarini chuqurlashtirish natijasida uy-joy fondi moliyaviy hamda huquqiy munosabatlarda qatnashib kelmoqda. Ushbu munosabatlarda obyektlar qiymati baholash maqsadiga qarab o’zgarmoqda. Iqtisodiyotimizni isloh etishda ko’chmas mulk bozorida ijtimoiy ahamiyatga ega obyektlarining haqqoniy qiymatini aniqlash, turli yondashuvlar va usullar yordamida baholash faoliyatini rivojlantirish kurs ishishining dolzarbligini belgilaydi.