Kirish I. Adabiyotlar tahlili

II.2. Gulkaram yetishtirishga tavsiya etiladigan navlar va ularning tasnifi
Sabzavotkor dehqonlar ushbu duragaylardan birini tanlab ekishlari mumkin. Surxondaryo viloyatida G‘1 Barselona, G‘1Kasper, G‘1Talassa, G‘1Natilus duragaylari ko‘plab ekilmoqda. Quyida ayrim duragaylarning tavsifini keltiramiz.
F 1 Kasper – o‘rtapishar duragay, o‘suv davri 127 kun. Gul to‘plami yassi-yumaloq, kichik ichki barglari bilan o‘z-o‘zini qoplash xususiyatiga ega, tashqi barglari yirik. Gul to‘plami zich joylashgan, usti silliq. Vazni 1,3 kg. Tig‘izligi 4,0 ball. Qayta ishlashga va yangiligida iste’mol qilishga mo‘ljallangan.

F 1 Natilus – ertapishar duragay, o‘suv davri 100 kun.
Gul to‘plami yassi-yumaloq, tig‘iz, rangi oppoq, barglari bilan o‘z-o‘zini qoplash xususiyatiga ega. Vazni 1,2 kg. Tig‘izligi 5,0 ball. Barglanishi o‘rtacha, barg shakli uzunchoq, o‘tkir uchli yirik, silliq. Yangiligida iste’mol qilishga mo‘ljallangan. Kasalliklarga chidamli.

F 1 Fridom – ertapishar duragay, o‘suv davri 75 kun. Gul
to‘plami yumaloq, tig‘iz, rangi oppoq, o‘z-o‘zini barglari bilan qoplash xususiyatiga ega. Tashqi barglari yirik. Vazni 1,8 kg. Tig‘izligi 4,7 ball. Qayta ishlashga, yangiligida iste’mol qilishga va uzoq masofaga transportda tashishga mo‘ljallangan.




F 1 Kortes – ertapishar duragay, o‘suv davri 75 kun. Gul to‘plami yassi-yumaloq, tig‘iz, rangi oppoq, chiroyli ko‘rinishga ega, tashqi barglari yirik. Vazni 2,5 kg. Tig‘izligi 4,5 ball. Qayta ishlashga, yangiligida iste’mol qilishga
va uzoq masofaga transportda tashishga mo‘ljallangan.


II.3. Gulkaramning kasalliklari xamda zararkunandalari va ularga qarshi kurash choralari.
Gulkaram o‘simligi yetishtirish davrida o‘ziga xos
kasallik va zararkunandalar bilan zararlanadi. Katta zarar keltiruvchi bunday kasallik va zararkunandalarga ildiz chirish, karam shirasi, qorason, un shudring, sim qurt kiradi. Shu sababli bu kasallik va zararkunandalarga qarshi
kurash sifatli va yuqori hosil olish omillaridan biridir.
Gulkaramning bakterioz (qora chirish)kasalligi. Bakterioz kasalligining o‘ziga xos xususiyatlaridan biri-o‘simlik barglarida va karam boshida juda ko‘plab (diametri 1-3 mm ) qora dog‘lar hosil bo‘lishidir.
Avvaliga dog‘lar shakli yumaloq, suvli bo‘ladi. Kasallik ta’sirida o‘simlik to‘qimalari nobud bo‘lgach dog‘lar qo‘ng‘ir-kulsimon yoki qo‘ng‘ir tusga kiradi va bir-biriga qo‘shilib ketadi.