Kirish I. Adabiyotlar tahlili

II.Gulkaram yetishtirish texnalogiyasining o’ziga xos xususiyatlari.
Sho‘rlangan va botqoqlangan yerlar gulkaram ekish
uchun unchalik yaramaydi. U yaxshi o‘g‘itlangan, mexanik
tarkibi bo‘yicha yengil qumoq va qumloq tuproqlarda yuqori
hosil beradi. Uni o‘rtacha va og‘ir qumoq tuproqlarda ham
yetishtirish mumkin. Gulkaram yetishtirish
Almashlab Ekishdagi o‘rni
Kartoshka, bodring, poliz ekinlari va don-dukkakli ekinlar
gulkaram uchun yaxshi o‘tmishdosh ekin hisoblanadi. Gulkaramdan
oldin piyoz, ko‘k no‘xat, sabzi ekilganda ham yaxshi natija beradi.
Gulkaramni ertagi kartoshka, sabzi, bodring, osh lavlagi, g‘alladan bo‘shagan yerlarga takroriy ekin sifatida ekish mumkin. Ammo, uni rediska, ertagi oqbosh karam va gulkaramdan so‘ng ekmaslik lozim , chunki ularning kasallik va zararkunandalari bir-biriga o‘xshashdir.
Yerni ekishga tayyorlash
Gulkaram yetishtirishda yer tanlash va uni ekishga tayyorlash
muhim tadbirlardan biri hisoblanadi. Gulkaram chirindiga boy va unumdor tuproqni yaxshi ko‘radi. Yerni yaxshi tayyorlash ko‘chatlarning yaxshi tutishini va ularning keyingi jadal rivojlanishini ta’minlaydi. Tuproq tarkibini yaxshilaydigan
organik o‘g‘itlardan oqilona foydalanish gulkaram ekiladigan
yer sifatini yaxshilashni va yuqori hosil olishni ta’minlaydi. Agar tuproq qattiq bo‘lsa o‘simliklar ildizining o‘sishi va rivojlanishi qiyin kechadi.
O‘simlik ildizi qanchalik rivojlangan bo‘lsa, u shunchalik yaxshi o‘sadi. Chirindiga boy tuproqning tarkibiy tuzilishi yaxshi bo‘lganligi tufayli ildiz erkin harakatlana oladi. Tomorqalarda gulkaramni unumdor, quyosh yaxshi tushadigan joylarda ekish lozim. Ertagi va takroriy muddatda ekishda yer 30-35 sm qilib haydaladi. Haydashdan oldin gektariga 35-40 tonna chirigan go‘ng, fosforli va kaliyli o‘g‘itlar yillik me’yorining 75% beriladi. Yer tekislanadi va qator
oralari 70 sm qilib egatlar olinadi. Gulkaram ekiladigan
maydonlarda tuproq mayin va tekis bo‘lishi ko‘chatlarni
ekishni samarali bo‘lishini ta’minlaydi.