Kirish Asosoiy qism Danakli mevalardan kompot ishlab chiqarish

Mavzu: Danakli mevalardan kompot ishlab chiqarish texnologiyasi va
ularning sifat ko'rsatkichlari
Reja:

1. 
   Kirish
   
2. 
   Asosoiy qism
   

1. 
   Danakli mevalardan kompot ishlab chiqarish
   
2. 
   Kompot ishlab chiqarish texnologiyasi
   
3. 
   Kompot ishlab chiqarish sifat ko'rsatkichlari
   

3. 
   Xulosa
   
4. 
   Foydalanilgan adabiyotlar
   

Danakli mevalardan kampot ishlab chiqarish
Danakli mevalar - gilos, olcha, olxo’ri butunligicha danagi bilan konservalanadi, mayda o’rik, va shaftolilar danagi bilan yoki danaksiz konservalanadi. Yirik o’riklar (diametri 35 mm-dan yuqori) va shaftoli (diametri 40 mm-dan yuqori) nimtalarga ajratiladi, danagi olinadi. SHaftoli tilimlab ham konservalanishi mumkin.
Mayda olma va noklar butunligicha konservalanadi, yiriklari - yarimta yoki choraktalanadi. Behi tilimlanadi yoki ma’lum shakldagi bo’laklarga bo’laklanadi. Barcha hollarda urug’li mevaning urug’doni hamda dag’al po’stlog’i olib tashlanadi. Agar po’stloq nozik bo’lsa u olinmaydi.
Kompot xom ashyosi sifatida danak va urug’li meva, rezavorlardan foydalaniladi, ammo xonakilashtirilgan va yovvoyi o’suvchi meva va rezavorlar ishlatilishi mumkin. Konservalash uchun yuqori organoleptik xususiyatlar, chiroyli tashqi ko’rinishga ega bo’lgan, issiqlik bilan ishlov berilganda titilib ketmaydigan va o’z rangini yo’qotmaydigan xom ashyo ishlatiladi. Meva yangi, sog’lom, qishloq xo’jaligi zararkunandalari buzmagan, mexanik zarar ko’rmagan va boshqa defektlarsiz bo’lishi kerak. Danakli meva, tsitruslar (mandarin, kinkan), feyxoa uchun mevaning minimal ruxsat etilgan o’lchami me’yorlangan, rezavorlar uchun (ertut, krijovnik, qora qorag’at) uning massasi me’yorlangan.
Konservalangan meva va sabzavot uchun asosiy talablar 1-jadvalda keltirilgan.
Kompotlar uchun texnik yoki iste’mol qilish uchun xos pishiqlik darajasiga yaqin kelgan meva va sabzavot ishlatiladi. Ularning o’lchami ushbu navdagi mevaning odatdagi o’lchamiga mos kelganida rang, maza va hidi mos kelishi kerak.
Olcha va gilos daraxtda pishishi kerak, chunki mevaning ta’mi u iste’mol darasidagi pishiqlikka yetganida rivojlanadi.
Behi va nokning ayrim navlari to’qimalarida yog’ochga aylangan tosh hujayralar mavjud. Meva pishganda bu hujayralardagi lignin yo’qoladi, ularning dag’alligi kamayadi va mevaning eti yanada shirali bo’ladi. SHuning uchun behi biologik nuqtai nazardan pishiqlik darajasiga yetgandagina u konservalanadi. Behining aksariyat navlari kech kuz yoki qishki bo’ladi, ularning mevasi daraxtda pishmaydi, pishmagan holda terib olinadi, saqlash jarayonida esa me’yoriy pishiqlik darajasiga yetadi.
O’rik va shaftoli qayta ishlashga texnik pishiqlik darajasida keltirilishi kerak, texnik ishlovga dosh berishi uchun eti hali qattiq bo’lishi kerak.
Meva va rezavorlarning kimyoviy tarkibi xom ashyoning navi va o’sish sharoitlariga yuksak darajada bog’liq. Kimyoviy tarkibning o’rtacha qimmatlari 2- jadvalda keltirilgan.
Meva zavodga sig’imi 16 kg bo’lgan (mandarinlar uchun) tirqishli yog’och yoki alyuminiy yashchiklarda yoki sig’imi 8 kg bo’lgan paklarda, rezavor mevalar esa 3-5 sig’imli kanop savatlarda olib kelinadi. Bu tara mevaning to’liq saqlanishini ta’minlaydi. Danakli mevalar suvli avtotsisternalarda ham tashiladi.
Barcha meva va rezavorlar inspektsiyalanadi, konditsiyasi mos emaslari (urilgan, ezilgan, pishib yetilmagan, pishib o’tgan, kasalga chalingan va qishloq xo’jalik zararkunandalari zarar yetkazgan mevalar brakga ajratiladi) hamda yot unsurlar ajratib olinadi.
Ayni vaqtda meva va sabzavot pishish darajasi va rangi bo’yicha navlanadi. Xom ashyo sifati bo’yicha 0,1 m/s tezlik bilan harakatlanuvchi konveyerda qo’l mehnati bilan navlanadi. Meva lenta ustida tekis bir qavat yoyiladi. Mahsulotni hamma tomondan ko’rish imkoniyatini beruvchi rolikli transportyorlarni ishlatish maqsadga muvofiq. Braklarni ajratish opera-tsiyasini fotoelektron sezgir elementlardan foydalanib avtomatlashtirish mumkin.