Kirish. Asosiy qism Xulosa

Xitoydagi fuqarolar urushi (1945-1949)

Ikkinchi xitoy-yapon urushi o’z yakuniga yetgandan so’ng, kommunistlar va gomindanchilar o’rtasida fuqarolar urushi davom etdi. Manchjuriyada ustunlik uchun kurashayotgan kommunistlarni Shimoliy Koreya hukumati moddiy va harbiy tomondan qo’llab-quvvatladi. Urush davomida minglab koreyalik ko’ngillilar Xitoy Xalq Ozodlik Armiyasida xizmat qildi. Shimoliy Koreya Xitoydagi kommunistlarga urushda qatnashmayotganlarga xavfsiz boshpana berish va Xitoyning boshqa hududlari bilan aloqa qilishda ham yordam berdi. 1949-yilda Xitoy Xalq Respublikasi tashkil topgandan so’ng Xitoy kommunistlari Shimoliy Koreyaning g’alabaga qo’shgan hissasini sedan chiqarmadi. Minnatdorchilik tarzida, 50,000 dan 70,000 gacha bo’lgan koreyalik urush qatnashchilari qurollari bilan o’z vatanlariga qaytarib jo’natildi, ular keyinchalik Janubiy Koreyaga dastlabki bosqinda muhim ahamiyatga ega bo’ldi. Xitoy Janubiy Koreya bilan urush kelib chiqqan taqdirda Shimoliy Koreyani qo’llab-quvvatlashga va’da berdi. Xitoyning ko'magi koreys kommunistlari o'rtasida chuqur ajralishni keltirib chiqardi va Kim Ir Senning Kommunistik partiyadagi obro'siga keyinchalik Kim tomonidan chetlatilgan Pak Il-yu boshchiligidagi xitoy fraksiyasi e'tiroz bildirdi. 1949-yilda Xitoy Xalq Respublikasi tuzilganidan so'ng, Xitoy hukumati AQSh boshchiligidagi G'arb davlatlarini o’zining milliy xavsifligiga eng katta tahdid deb hisobladi. Xitoy rahbariyati bunga 19-asrdan boshlab Xitoyning kamsitilib kelinganligini, fuqarolar urushi davrida AQShning gomindanchilarni qo’llab-quvvatlaganini va Xitoy AQShning kommunizmga qarshi kurashida tanqidiy jang maydoniga aylanishi mumkinligini keltirdi. Qarama-qarshi chora sifatida va dunyo kommunistik harakatlarida Xitoyning obro'sini oshirish uchun, Xitoy rahbariyati davlat atrofidagi hududlarda kommunistik inqiloblarni faol qo’llab-quvvatlagan tashqi siyosat olib bordi.