Kimyoviy birikmalarning izomeriyasi va nomenklaturasi

Ishning maqsadi. Kimyoviy birikmalarning nomenklaturasi va izomeriyasiga doir bitiruv malakaviy ishimizning asosiy maqsadi, kimyoviy birikmalarning nomenklaturasini va izomeriyasini ilmiy asosda chuqur tahlil qilib ularni tartibga solishni o`z oldimizga maqsad qilib qo`yganmiz.
Ishning vazifalari. Kimyoviy birikmalarning tarixiy, ratsional va xalqaro ilmiy nomlarini to`plash, ularni kmyoviy tuzilishi asosida alohida o`quv qo`llanma yozishni, asosiy vazifa qilib olingan.
Ishning ob’yekti va predmeti. Kimyoviy birikmalarning nomenklaturasi va izomeriyasi deb nomlangan bitiruv malakaviy ishimning obyekti kimyoga doir yozilgan darsliklar, o`quv qo`llanmalari, ilmiy va ommabop maqolalar va internet saytlarida e`lon qilingan kimyoviy birikmalar bo`lib, ularni o`rganib chiqib tahlil qilishdan iborat. Ishning asosiy predmeti organik va noorganik moddalarning eng muhim sinflari bo`lib, ularni kimyoviy tuzilishi asosida nomlashni tizimga solishdan iborat.
Ishning ilmiy yangiligi. Ushbu bitiruv malakaviy ishimning ilmiy yangiligi shundan iboratki, umum ta`lim maktablari, o`rta maxsus va oliy o`quv yurtlari uchun yozilgan darsliklar va boshqa o`quv qo`llanmalarda bayon qilingan eng muhim kimyoviy birikmalarni tarixiy, ratsional va xalqaro nomlarini tartibga solib, tizimlashtirib, ular haqida umumiy xulosalar chiqarish ishning asosiy yangiliklaridan biri hisoblanadi. Noorganik va organik moddalarni nomenklaturasi va izomeriyasi haqida birinchi marotaba alohida o`quv qo`llanma yaratish.
Ishning e`lon qilinganlik darajasi. Bitiruv malakaviy ish umumiy kimyo kafedrasini 2012-2013 va 2014- yillarda bo`lgan majlislarida muxokama qilingan va 2013-yilda “Tafakkur” nashriyotida “Kimyoviy birikmalarning nomenklaturasi va izomeriyasi” nomli qo`llanma chop etilgan.
Ishning tuzilishi. Mazkur bitiruv malakaviy ish so’zboshi, kirish, kimyoviy birikmalarning nomenklaturasi, kimyoviy birikmalarning izomeriyasi, xulosa va tavsiyalar kabi boblardan tuzilgan bo`lib, bitiruv malakaviy ish oxirida foydalanilgan adabiyotlar ro`yhati kiritilgan.