Kimyo-texnologiya

Ko‘chat o‘tqazish. Karam, odatda, dalaga ko‘chat qilib o‘tkailadi, kamdan-kam xollarda bevosita urug‘i ekiladi. Ertaki karam ko‘chatlari issiq va iliq parniklarda yetishtiriladi. Buning uchun karam urug‘i dekabr yoki yanvarь oylari boshida ko‘chatxonalarga sepiladi, lekin, hosilni ertaroq yetishtirish uchun ko‘chatlar chirindi-tuvakchalarda yetishtiriladi.

Yozgi muddatlarda ekishga mo‘ljallangan kechki karam ko‘chat-lari, kechki karam ekiladigan uchastka yaqinidagi ko‘chatxonalarda, kichik pollar yoki egatlarda o‘stiriladi. Bunda urug‘ may oyining o‘rtalaridan to iyunning o‘rtalarigacha sepiladi (pikirovka qilinmaydi). Odatdagicha yetishtirilgan ko‘chatlar 4-5 ta, tuvakchada o‘stirilganlari esa 5-7 ta chinbarg chiqarganida dalaga o‘tkaziladi.

Yoz boshida karam hosili olish uchun ko‘chat fevralь oxiri - mart oyida dalaga o‘tkaziladi. O‘rta Osiyoning janubida esa kuzda-noyabr oyida ham ekish mumkin. erta bahorda ekish uchun eng ertapishar navlardan, masalan, Birinchi nomer, iyunskiy, kuzda ekish uchun esa Derbent navidan foydalaniladi. O‘rtagi karam ko‘chatlari aprelь-may oyining boshlarida dalaga o‘tkaziladi. Bu muddatlarda ekish uchun Slava 1305, Toshkent 10, shuningdek, Bagirskaya va Liko‘rishka navlaridan foydalanish tavsiya etiladi. Karam boshlari mayda, tezpishar nav karam ko‘chati qator oralarini 70 yoki 60 sm tup oralarini 25x30, karam boshlari yirik, kechpishar navlar ko‘chati qator orasini 70 sm qatorda o‘simliklar orasini 45-50 sm qilib ekiladi.