Kimyo-texnologiya

Almashlab ekishda kartoshka, bodring, poliz ekinlari va don-dukkakli o‘simliklar karamdan oldingi eng yaxshi o‘tmishdosh ekin hisoblanadi. Kechki karamni ertagi kartoshka, sabzi, bodring, ko‘k no‘xot, osh lavlagi, boshoqli g‘alla ekinlaridan bo‘shagan yerlarga takroriy ekin sifatida ekib, bemalol hosil olish mumkin.

O‘g‘itlash. Karam yerdan oziq moddalar olish va o‘g‘itga talabchanligi jihatidan sabzavot ekinlari orasida birinchi o‘rinda turadi.

O‘zbekiston sabzavot-poliz ekinlari va kartoshkachilik ITI har gektar yerga 5-6 s/ga dan ammiakli selitra, 7-8 s.dan super-fosfat va 1,5-2 s/ga dan kaliy tuzi solishni tavsiya qiladi. Organik o‘g‘itlar mineral o‘g‘itlar bilan aralashtirib, ya’ni har gektar 20-25 t go‘ng yoki kompost, 3-4 s/ga dan ammiakli selitra va superfosfat solingani ma’qo‘l. Go‘ng, kaliy hamda fosforli o‘g‘itlarning asosiy qismi 2/3 yerni xaydash oldidan, azotli o‘g‘itlarning bir qismi ekish oldidan va bir qismi o‘suv davrida qo‘shimcha oziq tariqasida beriladi. Birinchi oziqlantirishda azotli va fosforli o‘g‘itlar, keyingilarida esa faqat aotli o‘g‘itlar solinadi. Ertaki karam bir-ikki marta, kechki karam esa ikki-uch marta oziqlantiriladi.