Кимёвий технология Ўзбекистон республикаси олий ва ўрта махсус талим вазирлиги н. Каттаев, М. Мухаммадиев, Х. Мирзохидов

ОЛТИНГУГУРТ ВА СУЛФАТ КИСЛАТА ИШЛАБ ЧИҚАРИШ


6.1 Олтингугуртнинг хоссалари ва тарқалиши, ишлатилиши.


Хоссалари ва тарқалиши. Олтингугурт табиатда кенг тарқалган. У ер қобиғи массасининг 0,5%ни ташкил этади. Денгиз ва океан сувларида 1200-106 млн.т. олтингугурт, бирикмалар шаклида сувда эриган ҳолда бўлади. Олтингугурт сариқ рангли кристалл мўрт модда. Сувда деярли эримайди, аммо баъзи органик эритувчиларда эрийди. 444,60 С да қайнайди. Зичлиги =2,07г/см3. У кристалл ҳолда икки хил - α ва β аллотропик шакл ўзгаришга эга, олтигугурт табиатда эркин ҳолда (туғма олтингугурт) ҳам бирикмалар шаклида учрайди. Олтингугуртнинг йирик конлари АҚШ, Италия, Канада, Япония, Украина, Россияда жойлашган. Ўзбекистонда Фарғона ва Муборакда олтингугурт конлари мавжуд.
Ишлатилиши. Олтигугурт халқ хўжалигининг турли соҳаларида ишлатилади. Дунёда ишлаб чиқариладиган олтингугуртнинг 50 %га яқини сульфат кислота олиш учун, 25 %га яқини кальций бисульфит олиш учун (олтингугурт ёқилади, олинган SO2 гази оҳак билан таъсир эттирилиб Ca(HSO3)2 га айлантирилади. Қайсиким, у ёғочдан сульфит усулида целлюлоза ишлаб чиқаришда ишлатилади), қолган қисми олтингугуртли бўёқлар, углерод (IV)- сульфид, гугурт ишлаб чиқаришда, каучукни вулканлашда, қишлоқ хўжалигида фунгицид сифатида, медицинада ва бошқаларда ишлатилади.
Олиниш усуллари. Олтингугурт эрамиздан илгари II асрлардан бошлаб вулканик жинс сифатида маълум бўлган. У бирикмалар сульфидлар, сульфатлар шаклида минераллар ҳолида учрайди. Табиий кўмир, нефть ва оқсил моддалари таркибида (айниқса соч, пар, жун креатинида кўп бўлади) учрайди.
Туғма олтингугурт таркибида унинг миқдори 30 %дан ошмайди. Шунинг учун у бойитилади. Руда майдаланади ва керосин билан флотацияланади. Олинган концентрант (80% S сақлайди) 6 атм.босимда сув буғи билан автоклавда ишлов берилиб, олтингугурт суюқлантириб (олтингугуртнинг суюқланиш ҳароратси 112,80С) ажратиб олинади. Шундай йўл билан 98,6-99,3%ли соф олтингугурт олинади. Олтингугурт тўғридан-тўғри ер остига 1700 С гача қизиган буғ юбориш орқали ҳам суюқлантириб олинади.
Олтингугурт мис рудаларига (мис рудаси асосан пирит – FeS₂ дан ва камроқ халкопирит – CuFeS₂ дан иборат). Кокс қўшиб қиздириш орқали олинади. Бунда, пирит қиздирилганда парчаланади: 2FeS₂=2FeS+S₂
FeS нинг оксидланишидан ҳосил бўлган SO₂ гази эса кокс билан қайтарилиб олтингугурт ҳосил қилади.