3-мавзу: сульфат кислота ишлаб чиқариш технологияси режа

3-МАВЗУ: СУЛЬФАТ КИСЛОТА ИШЛАБ ЧИҚАРИШ ТЕХНОЛОГИЯСИ


Режа:
1. Олтингугунт ва сульфат кислотаси тўғрисида умумий маълумотлар
2. Олтингугурт IV – оксиди ишлаб чиқариш
3. Колчеданни куйдириш печлари ҳақида умумий маълумотлар
4. Контактли оксидлаш ҳақида
5. Сульфат кислота ишлаб чиқаришнинг технологик схемаси
Таянч сўзлар:
олтингугурт, фунгицид, вулканизация, сульфат кислотаси, кристаллизация минерал ўғит, аккумуляторларда, темир кўпороси, контакт усул, колчедан, «Қайнар қатлам», кўпорос мойи, контакт оксидлаш.

Олтингугурт халқ хўжалигининг турли жойларида ишлатилади. Унинг 50 % га яқини Н₂SО₄ ишлаб чиқаришга, 25 %и SO₂ олишга, қолгани қишлоқ хўжалигида фунгицид сифатида ва вулканизация (резина)да қўлланилади.

Олтингугурт ер қатламининг 0,1 % ини ташкил қилган кенг тарқалган элементдир. Табиатда ўз ҳолида ва сульфидлар ҳолида учрайди.
Сульфат кислотаси – 0⁰С даги зичлиги 1,85 г/см³, 296⁰С да қайнайдиган, - 10⁰С да музлайдиган суюқлик.
Кристаллизация диаграммасига қаралса 6 та гидрати мавжуд. У кимёвий жихатдан жуда актив модда.



Ишлатилиши - кимё саноатининг нони бўлиб, минерал ўғит ишлаб чиқаришда, Н₃РО₄, СН₃СООН олишда, рангли металлургияда, никеллаш ва хромлашдан олдинги металлга ишлов беришда, нефть маҳсулотларини тозалашда, медицинада, пластмасса олишда, синтетик ювувчилар олишда, химикатлар ишлаб чиқаришда, сунъий тола олишда, текстил саноатида, озиқ-овқат саноатида (крахмал ва б.), органик синтезда, аккумуляторларда, портловчи моддалар олишда ва бошқа сохаларда кенг ишлатилади.
Олиш усуллари. XIII асрдан бошлаб FeSO₄ – темир кўпоросни парчалаб олинган.
Ҳозирги кунда нитроза усулида (200 йилдан ошди) ва контакт (XIX аср охири ХХ аср бошлари) усулларида олинади.
Контакт усулида SO₂ қаттиқ контакт массаларда SO₃ айлантирилади. Бу билан нитроза усулига нисбатан таннархи камаяди ва тозалиги ошади. Ҳозирги кунда 80 % га яқин H₂SO₄ бу усулда олинмоқда.