Кимёвий технология Ўзбекистон республикаси олий ва ўрта махсус талим вазирлиги н. Каттаев, М. Мухаммадиев, Х. Мирзохидов

Ишлаб чиқариш усуллари. Сульфат кислота Х асрдан бошлаб олиниб келинмоқда. У темир кўпоросини ёки аччиқтошни қаттиқ қиздириш натижасида олинган. Ҳосил бўлган оғир мойсимон суюқлик сулфат кислота кўпорс мойи деб аталган.
ХV асрда алхимиклар олтингугурт ва селитра аралашмасини ёқиб, сульфат кислота олиш мумкинлигини аниқлаганлар. Шу усулда 300 йилдан кўпроқ вақт мобайнида сулфат кислота оз миқдорда шиша қолбалар ва реторталарда фақат лабараториялардагина олинган. ХVIII аср ўрталарида сульфат кислотага чидамли материал – қўрғошин топилгач сульфат кислота қўрғошин идишлар – камераларда саноат миқёсида олина бошланган. Бундай усул камерали усул деб аталди. Бу камераларда олтингугурт ва селитра аралашмаси ёқилган. Бунда ҳосил бўлган сульфат ангидрид камерага қўйилган сув ёки кислота эритмасида ютилади. Кейинчалик селитра ўрнига нитрат кислата ва камералар ўрнига минораллардан (ХХ асрнинг бошларида) фойдаланиладиган бўлинди. Шунинг учун ҳам камерали усулни нитрозали ёки минорали усул деб аталадиган бўлинди.Нитрозали усулда каттализатор ролини азот оксидлари ўйнайди. Суюқ фазада насадкали миноралларда оксидланади.
XIX асрнинг бошларида SO₂ ни платина каттализатори иштирокида SO₃ га оксидлаш мумкинлиги аниқланди. XIX асрнинг охирлари ХХ асрнинг бошларида бу усул контакт (газнинг каттализатор билан тўқнашувига асосланганлиги учун) усули деб аталиб, саноатда қўлланила бошланди.
Нитрозали усулида олинадиган сульфат кислотанинг сифати пастлиги, 75% дан юқори концентрацияли кислота олиб бўлмаслиги, NO₂, SO₂, SO₃ каби газларнинг атмосферага чақириб юборилиши туфайли атмосферанинг заҳарланиши каби камчиликларни бу усулни кантакт усули томонидан сиқиб чиқаришига сабаб бўлиди. Собиқ СССР да 1975 йиллардан бошлаб фақат кантакт усули билан сульфат кислота ишлаб чиқариш бўлмалари қурилмоқда. Ҳозирги пайтда ишлаб чиқараётган сульфат кислотанинг 95% га яқини кантакт усулида ишлаб чақирилмоқда.
Сульфат кислота қандай усулда ишлаб чиқарилишидан қатъий назар биринчи босқич олтингугуртли ашёларни куйдириб SO₂ олишдир. Сўнгра уни тозалаб SO₃ гача оксидлантирилади ва сувга юттириб кислотага айлантирилади.