Кийимни моделлаштириш ва бадиий безаш

Андазалар безатилишига техник талаблар
Асосий ва ишлаб чиқилган деталлар андаза-намуналари ва ишчи андазаларига маркировкалаш белгилари ва деталларни технологик ишлов бериш ва бичиш техник талабларини аниқловчи маълумотлар солинади.
Тикувчилик маҳсулотлари деталлар андазаси аёллар, эркаклар, қиз бола ва ўғил болалар типик фигураси тикувчилик маҳсулотлари маркировкасига мос келувчи етакчи ўлчам белгилари тўлиқ қийматини кўрсатиб маркировкаланади.
Тикувчилик маҳсулотлари деталлар андазасига қуйидаги маркировкалаш маълумотлари солинади:
- андаза номи (оригинал ёки намуна);
- маҳсулот номи (андазалар тўплами асосий деталларидан бирида кўрсатилади);
- модел рақами;
- андаза вазифаси (асосий, ишлаб чиқилган, ёрдамчи ва ҳоказо);
- деталлар номи ёки коди (олд бўлак, орқа бўлак, адип) ва бичиш учун деталлар сони;
- маҳсулот ўлчамлари (бўй, кўкрак айланаси, бел ёки бўксалар айланаси).
Андаза-оригинал тўпламининг асосий деталларидан бирида (олд ёки орқа бўлакда) қўшимча кўрсатилади:
- бўй ва кўкрак айланаси абсолют қийматлари оралиғининг модел бўйича тавсиялари, масалн (158-176)-(88-104);
- конструктив асос рақами;
- конструктор – ишлаб чиқувчи имзоси ва фамилияси;
- ишлаб чиқиш санаси;
- бош ёки катта конструктор текшириши санаси, имзоси ва фамилияси.
Андаза-оригинал ва андаза-намуналарда қуйидаги участкалар ўлчамлари чизиғи солинади: «кўкрак кенглиги» ўлчамини олиш даражасида олд бўлак кенглиги, «орқа кенглиги» ўлчамини олиш даражасида орқа кенглиги, енг ўмизи чуқурлиги даражасида олд ва орқа бўлак андазаларида маҳсулот кенглиги, бел, бўксалар ва паст даражасида олд ва орқа андазалари кенглиги. Енглар андазасига енг қиямаси, тирсак ва пасти даражасида енгнинг устки ва пастки қисмларини ўлчаш чизиқлари солинади.
Оригинал-андаза, андаза-намуна ва ишчи андаза асосий деталларининг бирига маҳсулот тўпламига кирувчи ҳамма андазалар рўйхати келтирилади (деталлар спецификацияси).
Маҳсулот деталларини бичиш учун андазаларига қуйидаги белгилар солинади:
- газлама бўйлама йўналиши чизиғи – асос ипи йўналиши (а.и);
- бўйлама йўналишдан йўл қўйилувчи оғишлар чизиғи;
- маҳсулот соҳа стандартларига кўра улар жойлашуви жойларида қўйимлар минимал ва макисмал кенглиги чизиқлари;
- деталларни бирлаштиришда мос келиши учун назорат кертмалари.
Андаза-намуналар ва ишчи андазалар бутун тўплами кесиклар чизиғи бўйича четдан 1 мм масофада ҳар 8-10 см дан кейин белги қўйилади.
Ишлаб чиқаришда бўлган ишчи андазалар андаза-намуналар ва андаза ўлчамлар жадвали (ўлчамлар табели) бўйича камида ойга бир марта текширилади. Андаза-намуналар ҳар чоракда бир марта текширилади.