Кийимни моделлаштириш ва бадиий безаш

Тикувчилик маҳсулотларига ишчи конструкторлик ҳужжатлар таркиби

Ҳужжат шифри	Ҳужжат тури	Таъриф
ДЧ	Детал чизмаси	Бичим детали тасвирига, унинг ўлчами, маҳсулот тайёрлашда унинг ишлов берилиши хусусиятлари тўғрисида маълумотларга эга ҳужжат
ЙЧ	Йиғув чизмаси	Бирикмалар тасвири, унинг тайёрланиши ва назорати учун маълумотларга эга ҳужжат
	Ихтисослаштириш	Ишлаб чиқилган конструкторлик ҳужжатлари, йиғув бирликлари, бичим деталлари, қўлланувчи газламалар таркибини аниқловчи ҳужжат
ҲҚ	Таянч ҳужжатлар қайдномаси	Маҳсулот ишлаб чиқишда ва уларнинг оммавий иш­лаб чиқаришда чиқарилишини ташкил этишда раҳ­бар­лик қилинувчи ҳужжатлар рўйхатига эга қайднома
УК	Умумий кўри­ниш чизмаси (модел эскизи)	Маҳсулот конструкцияси ва унинг таркибий қисмларини аниқловчи ҳужжат
–	Конфекцион харита	Маҳсулот тайёрлаш учун зарур барча газламалар ва фурнитура рўйхати ва намуналарига эга ҳужжат
–	Маҳсулот де­тал­лари анда­заси градацияси чизмаси	Ҳамма берилган ўлчам бўйларда маҳсулот деталлари чзималарига эга ҳужжат
ТТ	Техник таъриф	Модел намунаси асосий кўрсаткичларини тавсифловчи маълумотларга эга ҳужжат

Гуруҳли ёки база асосий ҳужжатни бир хил ном ва бир таснифий тавсияномага эга маҳсулотларга ишлаб чиқиш мумкин. Турли шартларга қараб ҳужжатлар мажмуи турли услубларда ишлаб чиқилиши мумкин.

Тикувчилик маҳсулотларга нисбатан ҳам гуруҳли ҳам база ҳужжатлар ишлаб чиқилиши мумкин. Корхоналар буюртмаси бўйича моделлаштирувчи ташкилот база маҳсулот (база асос) ишлаб чиқарса, корхонанинг ўзи эса моделлар турли вариантларни таклиф этилган ёки ўз эскизлари бўйича лойиҳалаштирса, ҳужжатлар база ҳужжат каби бажарилади. Бир конструктив асосда моделлар сериясини ишлаб чиқиш ҳолида гуруҳли матнли ҳужжат ва деталларнинг гуруҳли чизмаларини яратиш мақсадга мувофиқдир. Чизмада асосий бажарилиш ва фарқлар вариантлари тасвирланади. Чизма юзасида техник шартлар ва бошқа доимий берилганлар: стандарт билан ўрнатилган белгилар, ҳарфлар, рақамлар келтирилади. Шартли белгилар чизмада тушунтиришларсиз қўлланади.
Конструкторлик ҳужжатни ЭҲМ ва оралиқ қурилмалар ёрдамида кўп меҳнат талаб этувчи конструкторлик ишланмаларни автоматлаштириш ва бошқаришни ҳисобга олган ҳолда амалга ошириш зарур.