Кичик гуруҳ (3-4 ёш)

Таълимий ўйин ва машқлар. Математика машғулотларида олинган билимлар кун 
давомидаги фаолиятлар (ҳаракатли ўйинлар, қурилиш ўйинлари, ролли ўйин, сайр ва 
суҳбатлар) да қуйидаги ўйин-машқлар орқали мустаҳкамланади:
“Ким тўғри кўрсатади ва айтади?”, “Рангли доиралар”, “Сеҳрли халтача”, “Пазл”, “Ўз 
уйингни топ”, “Ўнг томонга бир қадам, чап томонга бир қадам”, "Кимга қанча?", "Кўп, оз, 
битта", "Қайси қўлимда кўп?", "Қанча бўлса, шунчани кўрсатинг", "Тез юрар поезд", 
"Хонада саёҳат", "Дўкон", "Қўғирчоқни сайрга тайёрлаймиз", "Шунча халқани топинг", 
"Қопчада қанча доира бор?", "Юқорида-пастда", “Ўнг-чап”, “Қайси қўл билан тезроқ?”, 
"Олдинга-орқага", "Ўнгга-чапга", "Пастда-тепада", “Эътиборли бўл”, “Узун-калта 
ленталар”. 
Ўқув йили охирида бола:
- «Кўп» ва «битта» предметларни ва уларнинг катта ва кичиклигини ажратади; 
- предметларнинг ўлчамини айтади, “катта”, “кичик” сўзларининг маъносини 
тушунади; 
- барча қизил, барча катта, барча кичик ва бошқа предметларни ажратишни 
билади (копток, шарчаларни ранги бўйича гуруҳлайди қизил, яшил, сариқ) ва 
уларни рангига мос қутиларга жойлаштиради; 
- теварак-атрофдан битта ва кўп ўхшаш буюмларни топа олади; 
- 2 гача санай олади (иккита олма беришни сўрайди, биттасини ўртоғига 
беришни ҳоҳлагани учун); 
- "кўп", "кам", " тенг ", "шунча" сўзларини ўз ўрнида қўллай олади; 
- доира, учбурчак ва квадратни билади ва уларнинг номларини айта олади; 
- “яқин-узоқ”, “орқада-олдинда”, “тепада-пастда” сўзларини тушунади ва
нутқда тўғри қўллайди; 

---

37 
- катта-кичик, узун-калта, баланд-паст, сўзлари маъносини тушунади ва нутқда 
тўғри қўллайди; 
- мустақил ҳолда ўз ўйинчоқларини тартибга сола олади (машинани гаражга, 
коптокни стол остига, кийимини шкафга, …); 
- сутка қисмлари (эрталаб, кундузи, кечқурун, тун)ни фарқлайди; 
- «лего» туридаги ўйин бўлакларидан содда моделлар йиғади; 
- қоғоздан буклаш йўли орқали содда шаклларни ясай олади; 
- 3-4 қисмлардан пазллар ясайди.