Кичик гуруҳ (3-4 ёш)

Атроф олам тўғрисидаги билимга эга бўлиш ва уни англаш 
Она Ватан ва атроф-олам. Болаларнинг мустақил Ўзбекистон ҳақидаги 
тасаввурларини бойитиш. Ўзбекистоннинг қадимий шаҳарлари ва Буюк ипак йўли ҳақидаги 
билимларини мустаҳкамлаш. 
Болаларга “Конституция сабоқлари” асосида илк тушунчалар бериш. 
Ўзбекистоннинг мустақиллиги, герби, байроғи ва мадҳияси ҳақидаги билимларини 
такомиллаштириш. Мадҳияни ижро эта олишни ўргатиш. Ўзбекистон Республикаси 
Президент томонидан бошқарилиши, Ўзбекистоннинг пойтахти Тошкент шаҳри эканлиги 
ҳақидаги тушунчаларини мустаҳкамлаш. 
Ўзбек ҳалқининг оғзаки ижоди намуналари асосида болалар қалбида ўз миллатига 
муҳаббат, миллий ғурур ҳиссини тарбиялаш.
Буюк сиймолар. Болаларни тарихимиз ва буюк Шарқ алломалари, уларнинг ҳаёти ва 
ижоди билан таништиришни давом эттириш.
Навоийнинг буюк мутафаккир олим, ёзувчи, давлат арбоби бўлганлиги ҳақида 
маълумот бериш. Буюк инсонлар: Ал Беруний, Абу Али ибн Сино, Мирзо Улуғбек, бастакор 
Юнус Ражабий, мусаввирлар Камолиддин Беҳзод, Ўрол Тансиқбоев ҳақида тушунча бериш.

---

116 
Анъанавий байрамлар. Болаларнинг ўзбек миллий байрамлари Наврўз, Мустақиллик 
байрами ҳақидаги тасаввурларини янада кенгайтириш, бойитиш. 
Шакл ва мазмун жиҳатдан хилма-хил бўлган сайлларни мунтазам равишда ташкил 
қилиб туриш. Масалан: катта сайл(бойчечак, она ер саҳовати, гилос, олма) ва қушлар ҳамда 
гуллар байрами ва ҳ.к..
Машҳур саркардалар. Болаларнинг улуғ саркардалар Амир Темур, Жалолиддин 
Мангуберди, Заҳириддин Муҳаммад Бобур ҳақидаги билимларини кенгайтириш. 
Халқ амалий санъати. Болаларни заргарлик, зардўзлик, мисгарлик, ганчкорлик каби 
халқ ҳунармандчилиги билан таништириш.
Катталар меҳнати. Болаларни катталар меҳнати ҳақидаги тасаввурларини 
ривожлантириш, кишилар меҳнатига ҳурмат ҳиссини тарбиялашни давом эттириш. 
Болаларга деҳқончилик, чорвачилик ҳақида сўзлаб бериш ва уларни деҳқон, чорвадор ва 
боғбон меҳнатининг мазмуни билан таништириш. Бозор ҳақида тушунча бериш.
Касб-ҳунарга оид (“Дўкон”, “Деҳқон бобо”, “Почта”, “Чевар”, “Ҳайдовчи”,
“Ўқитувчи”, “Ҳамшира”, “Бозор-бозор”, “Ошпаз” ) турли ўйинлар ўйнаш.