Кичик гуруҳ (3-4 ёш)

2-3 ёшли болалар билан ўтказиладиган эрталиклар 
№ 
Эрталиклар 
Ўтказиш вақти 
1 
Қиш байрами 
25-29декабрь 
2 
Баҳор байрами 
20 март-20 апрель 
Ўйин фаолияти 
Воқеабанд – ижроли ўйинлар. 
Болаларни тенгдошларининг ўйин ҳаракатларига
қизиқишга ўргатиш, бир–бирларига ҳалақит бермаган ҳолда биргаликда ўйнашларига ёрдам 
бериш. 
Бир нарса билан бир неча ҳаракатларни бажаришга ва таниш ҳаракатларни бир 
объектдан бошқасига кўчиришга; катталар ёрдамида бир сюжет орқали бирлашган бир неча 
ҳаракатарни бажаришга ўргатиш. Болаларнинг ўйин учун ўйинчоқ ва нарсаларни мустақил 
танлаш, ўринбосар–нарсалардан фойдаланиш истакларига ёрдам бериш. 

---

26 
Болаларни ўйиндаги ижрони тушунишга олиб келиш. Ижрода ўзини тутишнинг 
дастлабки кўникмаларини шакллантириш, воқеабанд ҳаракатларни ижро билан боғлашга
ўргатиш.
Ижод қилиш куртакларини ривожлантириш. 
Ҳаракатли ўйинлар. Болаларда тарбиячиси билан бирга оддий мазмундаги ҳаракатли 
ўйинлар ўйнаш истагини ривожлантириш. Биргаликда кичик гуруҳлар бўлиб ўйнашга 
ўргата бориш. Ҳаракатлар (юриш, югуриш, қўл билан отиш, сирғаниш) такомиллашадиган 
ўйинларни қўллаб–қувватлаш.
Ўйин-драматизация.
Асар қаҳрамони (қўғирчоқ Лолахон томоша кўрсатяпти) 
билан мулоқотда бўлишнинг биринчи тажрибаси орқали, катталар билан алоқаларни 
кенгайтириш (бувижониси қишлоққа таклиф қиляпти) йўллари орқали театрлаштирилган 
ўйинларга қизиқишни уйғотиш.
Болаларни ўйин–ҳаракатларга (жонли ва жонсиз табиатдаги) товушлар ёрдамида жавоб 
беришга, ҳайвон ва паррандаларнинг ҳаракатларига мусиқа остидаги, халқ оғзаки ижодининг 
кичик шаклларида янграйдиган сўзларга хос ҳаракатларига тақлид қилишга ундаш.
Асардаги ўйинчоқ-қаҳрамонлар билан ўйнашда мустақиллик ва фаоллик 
кўрсатишларини қўллаб-қувватлаш. 
Болаларнинг катталар педагогик театрларидаги чиқишларни мунтазам томоша 
қилишлари учун шароит яратиш.