Кичик гуруҳ (3-4 ёш)

Амалий санъат билан таништириш. Халқ амалий-безакли буюмларига нисбатан 
қизиқишни шакллантириш. 

---

94 
Халқ ўйинчоқлари турига қуш ва ҳайвонларни ясашни ўргатиш (Ҳамро буви, 
Раҳимовлар сулоласи). Болаларда гуашда нақш чизиш кўникмаларини шакллантириш.
Халқ усталари ясаган чинни идишлар (лаганлар, пиёлалар, кўзалар)ни намойиш этиш 
ва улар орқали болаларни усталарнинг меҳнати билан таништириш. Пластик материаллардан 
нарса ясашга оид усулларни тарбиячи кўрсатиб берганидан кейин нарса ясаш ва қуригач 
безаш ҳамда нақшлар чизишга ўргатиш (ангобом). 
Маҳсулотни қўл билан ушлаб, ишдан чиқариб қўймаслик учун таглик мосламага 
айланасига мустаҳкамлаб қўйиш, 
Шаклдаги нотекис ғадир-будур жойларни силлиқлаш, иш жараёнида бармоқларни 
сувда ҳўллаб туришни одат қилиш. Лойдан ясалган ясси текисликдан рельеф ясашга 
ўргатиш. 
Халқ усталари анъаналарига кўра, турли ўйинчоқ ва идишларни мустақил ясаш, нақш 
ва гуллар, ёпиштирилган нарсалар билан безаш. 
Пластик материаллардан нарса ясашга оид эгалланган билимларни халқ усталари 
анъаналарига асосан ўйинчоқлар ясашда қўллаш, ясалган идишга ҳайкалтарошлар ёғоч 
қаламида нақш чизиш ва безаш. 
Аппликация. Қоғозни қирқиб, тасвир ҳосил қилишга оид кўникмаларни 
мустаҳкамлаш. Нарсалар тасвирини узун ва қисқа тасмаларга ажратиб кесиш; ясси тўғри 
тўртбурчак, квадрат шакл учларини айлана қилиб кесиб, доира ҳосил қилиш, квадратдан 2-3 
та учбурчак, кесма, думалоқ ва ясси шаклдан квадрат ёки кичик тўғри бурчак кесиб олиш, 
қисмлардан тасвир яратиш (республика байроғи, кузги поёндоз). Иншоотни байрамона 
дизайнда жамоа таркибида ишлаш. 
Болаларни қоғоздан қат-қат қилиб тахланган шакл (давра ўйинлари, маржонгул 
кабилар), устма-уст тахланган симметрик шакллар (гулдон, олма ва б.) кесиб олишга 
ўргатиш. Образларга ифодавийлик бериш учун болаларга силуэтли аппликациялар кесиш ва 
ажратиш усулларини ўргатиш.
Сюжетли композиция яратиш. Болалар мактабгача таълим муассасасида ўтказиладиган 
байрамларда ишлатиладиган безакларни жамоа бўлиб тайёрлаш. 
Турли шакллар қирқиш ва япроқ ва гуллардан нақшлар тузишга оид кўникмаларни 
мустаҳкамлаш (доира, тўғрибурчак ва ясси шакллар). 
Тасвирий образларни тақдим этиш. 
Кичик гуруҳлар таркибида индивидуал композициялар яратиш (баҳорий поёндоз, 
гулзор). 
Зални байрамга тайёрлаш, ота-она ва дўстларга совғалар ташкил этиш ҳамда 
гуруҳларни жиҳозлашда болаларнинг мустақил фаолиятини рағбатлантириш.