Кичик гуруҳ (3-4 ёш)

Ўқув йили охирида бола: 
- қандай ўйин ўйнаш, бунда ким қандай ролни ўйнаши ҳақида шериклари билан 
келишиш, ўйин қоидаларига риоя қилиш; 
- ўйновчи болалар сонига қараб ўйин мазмунини кенгайтириш; 
- ўйин мазмунини бойитишга ёрдам берадиган турли ахборот манбаларидан 
(кино, адабиёт, экскурсия ва б.) фойдаланиш; 
- кўп ҳолатларда қўллаш мумкин бўлган материал, ўринбосар нарсалардан 
фойдаланган ҳолда ижодий буюм-ўйин муҳитини яратиш; 
- таълимий ўйинларда ўз имкониятларини баҳолай билиш ва аччиқланмасдан 
мағлубиятни тан олиш; 
- тенгдошларига ўйин қоидаларини тушунтириш; 

---

100 
- спектаклни кўриб бўлгандан кейин актёрлар ўйинини, қўлланган бадиий ифода
воситаларини ва саҳна асарининг бадиий безакларини баҳолаш; 
- ўз ижодий тажрибасида мактабгача таълим муассасасида ва уй шароитида 
қўйилган спектаклларда ўйналган бир неча ролларга эга бўлиш; турли хил 
анжомлардан фойдаланган ҳолда ўз спектаклини безаш. 
 
МАКТАБГА ТАЙЁРЛОВ ГУРУҲИ
 
6-7 ёш болаларнинг ривожланиш хусусиятлари 
 
Бола ҳаётининг еттинчи йилида ундаги ҳаракатлар кўлами кенгаяди ва аниқлашади, 
унинг жисмида ҳаракатларнинг ўзаро мослашуви бошланади. 6-7 ёшли болалар ўзини идора 
қилиш ва ўз ҳаракатларини назорат қилиш имкониятига эга бўла бошлайди. Бу ёшдаги ўғил 
болаларда мустақил фаолият кўрсатиш, ташаббускорлик ривожланади ҳамда катталар 
фикрини тинглаш иштиёқи шаклланади. Бу даврда боланинг бўйи 120 см га етади, оғирлиги 
22-24 кг бўлади. Бу ёшда бола чиниқади, қизиқувчан бўлади, ўз саломатлигини назорат қила 
олади. Унинг идрок кучи ва тафаккури жадал ривожланади, моддий борлиқни билишга 
интила бошлайди. Болаларда гигиеник малакалар шакллана боради. 
Болани мактабга тайёрлаш жараёнида уларда фаолиятнинг янги тури бўлган таълим 
олишга ўқишга иштиёқ уйғотиш лозим. Бу ўринда болаларни руҳан таълим жараёнига 
киришишга тайёрлаш мақсадида дастлабки ўқув элементларини ўргатиш лозим. 
Ҳар қандай олти ёшли бола мактабга қабул қилиниши мумкин. Бунинг учун у 
жисмонан, руҳан ҳамда ақлий жиҳатдан таълим олишга тайёр бўлиши керак. Болаларни 
мактабга тайёргарлик даражасини аниқлашда ташхис марказларининг хулосаларига таяниш 
лозим. Шу билан бир қаторда мактабнинг моддий-техник базаси олти ёшли болаларга 
таълим бериш имкониятига эга бўлиши шарт. Ўқитувчининг педагогик-психологик билим 
даражаси, ахлоқ-одоби ва шахсий сифатлари олти ёшли болаларга таълим ва тарбия бериш 
учун лойиқ бўлганда, у олти ёшли болаларни ўқитиш ҳуқуқига эга бўлади. Шунинг учун ҳам 
6-7 ёшли болалар, уларни қабул қиладиган мактаблар ҳамда бу болаларни ўқитадиган 
ўқитувилар педагогик-психологик нуқтаи назардан алоҳида-алоҳида диагностика қилиниши 
ва шундан кейингина таълим жараёнига киришилиши керак.