Кичик гуруҳ (3-4 ёш)

 
Жисмоний ривожланиш 
Жисмоний машқлар ва ўйинлар йўли билан ҳаракатларни такомиллаштириш жараёнида 
жисмоний сифатларни ўстириш. Кундалик ҳаракат фаоллигига бўлган эҳтиёжини 
шакллантириш. Югуришнинг мустақил машқ қилиш, унчалик мураккаб бўлмаган ўйин ва 
мусобақалар уюштириш; машқлар ва ўйинларни танлашда машғулотлар учун жойларни 
тайёрлашда ва жиҳозларни сақлашни таъминлашда ташаббус кўрсатиш.
Машғулотлар вақтида барча ҳаракатлантирувчи машқларнинг табиий ҳолда, енгиллик 
билан ва тўғри бажарилишига эришиш. Юришнинг ҳар хил турларидан шароитга қараб 
фойдаланишга ўргатиш. Югуриш техникасини такомиллаштириш. Сакраш кўникмаларини 
шакллантиришда давом этиш, сакраётганда мумкин қадар зичроқ сакраб ерга тушаётганда 
оёқларни олдинга чиқариб ерга тушиш, ерга тушишда турғунликни сақлаш учун қўлларни 
орқага силкитгандан сўнг уларни эркин равишда олдинга, ён томонларга, юқорига чўзиш,
югуриб келиб узунликка сакрашда тезлаштирилган югуришни қўллаш. 
Болаларга предметларни узоққа ва нишонга ирғитишда бармоқларни охирги марта 
кучли ҳаракатлантириб отишга ўргатиш.Копток билан хилма хил ва ишонч билан ҳаракат 
қилишга ўргата бориш. Турли усуллар билан гимнастика нарвончасига, арқонли нарвончага 
тирмашиб чиқишни машқ қилдириш. Арқон ва ходача бўйлаб тирмашиб чиқиш билан 
таништириш.

---

101 
Жисмоний сифатлар-тезкорлик, чаққонликни ўстириш. Машқларни бажариш пайтида 
чидамлилик ва куч кўрсатишга имкон бериш; мувозанат сақлашни ҳис этишни, ҳаракатларни 
бошқаришни ва бўшлиқда чамалашни такомиллаштириш. Берилган масофани ўрта тезликда 
югуриб ўтишга ўргатиш. Турган жойида ва ҳаракат вақтида тезлик билан сафланиш ва қайта 
сафланишга; колоннада, сафда доирада текисланишга ўргатиш тўғри қадди-қоматни 
шакллантириш. Уюшқоқлик билан ҳаракат қилишга, матонат, мустақиллик кўрсатишга 
ўргатиш жисмоний машқларга қизиқтиришни қўллаб-қувватлаш, уларни фақат 
кўрсатгандагина эмас, балки сўз билан тушунтирганда ҳам аниқ бажаришга ўргата бориш. 
Машқларни аниқ, берилган тезликда, мусиқа билан бир усулда бажариш. Ҳаракатли 
ўйинларда мустақил қатнашиш, спорт ўйинларидаги ҳаракатлар кўникмасини ўзлаштириш 
иштиёқини ўстириш, ўйинда ўз хатти-ҳаракатига ва тенгдошининг хулқига адолатли ҳамда 
виждонан баҳо бериш ўзаро дўстлик муносабатларини намоён қилишга ўргатиш
Эрталабки бадантарбия машқини мунтазам равишда бажариш иштиёқини 
шакллантириш, уни ўтказаётганда уюшқоқликка, машқлар комплексини мустақил бажариш 
кўникмасига эришиш. Жисмоний машқларни илдам ҳаракат қилиб, ўзига тўлиқ ишонч 
билан аниқ бажара олишга ўргата бориш. 
Очиқ ҳавода ўтказиладиган ҳаракатли ўйинларда ва сайр вақтидаги жисмоний 
машқларни бажаришда, болаларни ўйинда жамоаларга бўлиниб иштирок этишга, 
эстафеталарда бутун жамоанинг манфаатларини ҳисобга олиб ҳаракат қилишга адолатли ва 
хайриҳоҳ бўлишга ўргатиб бориш. Чаққонлик, чидамлилик каби бир қатор жисмоний 
сифатларни намойиш қилишга эришиб ва уларни такомиллаштира бориб, спорт ўйинлари ва 
машқларининг элементларини ўрганиш.
Кучли ақлий фаолият билан боғлиқ бўлган машғулотларда чарчашнинг олдини олиш ва 
ишлаш қобилиятини сақлаш мақсадида енгил жисмоний машқларни бажариш кераклигини 
болаларга маълум қилиш. Жисмоний дақиқаларни тайёрлаш ва ўтказишда кўрсатиладиган 
ташаббускорлик ва мустақилликни ўстириш. Болаларни ҳаракат қилишдаги ва хилми-хил 
ўйинлар ўйнашдаги ижодий фаолиятини ривожлантириш. 
Кўнгил очар тадбирлари ва байрамларида қўлга киритиладиган шахсий натижаларни 
яхшилаш билан бир қаторда, қизиқ-қизиқ ўйинларни ўйлаб топувчиларни, ижодий 
мустақиллик кўрсатувчиларнинг ташаббусини қўллаб қувватлаш. Болаларни жамоада яхши 
ютуқларига эришишга, ўйин иштирокчиларини ва жамоадаги шерикларини ҳурмат қилишга,
тенгдошларининг ютуғидан қувона олиш кўникмасига ўргатиш.
Мустақил фаолият жараёнида ҳаракатларнинг турли хилларини мунтазам машқ қилиш 
одатини шакллантириш. Турли хил жисмоний машқларни ва спорт ўйинлари элементларини
мустақил бажараётган пайтда ёки очиқ ҳаводаги ўйинлари элементларини мустақил 
бажараётган пайтда ўйин эстафеталарида ва енгил мусобоқаларида борган сари юқорироқ 
натижаларга эришишга интилишларини рағбатлантириш.