Кичик гуруҳ (3-4 ёш)

Сафланиш ва қайта сафланиш. Мустақил ҳолда алоҳида 
гуруҳчаларга ва бутун гуруҳ билан бир қатор бўлиб сафланиш, доира 
бўлиб сафланиш, алоҳида гуруҳга қайта сафланиш, мўлжал бўйича 
текисланиш, ишорага кўра чапга, ўнгга, орқага айланиш, шунингдек, 

---

82 
кетма-кет юришдан жуфт-жуфт бўлиб юришга ўтишни ўргатиш. Уч 
қаторга сафланиб туриш. 
Майда моторикани ривожлантириш. Болага ўйинчоқлар ва 
умумий фойдаланишда бўлган буюмларни ишлатиш; қалам, мўйқалам ва 
бўёқлардан тўғри фойдаланиш ҳамда узиб-узиб, доғ қўйиб расм солиш; 
аппликация бўлакларини мустақил ҳолда ёпиштириш; мозаика ва бошқа 
шаклларни териб йиғиш; оддий шаклларни қайчи билан қирқиш ва 
қоғоздан буклаш йўли билан турли моделларни ясаш кўникмаларини 
шакллантириш.
Болани китобларни йиртмасликка, улардан тартибли фойдаланишга 
ўргатиш; топшириқни бажаришда ранг, материал ва усулни танлашда 
ёрдам бериш; кўргазмали намуналардан фойдаланишни тавсия қилиш; 
расмлари бўяладиган китобчалар билан ишлашни таклиф қилиш; болага 
изчиллик билан мунчоқларни йиғиш ва ипга теришига имкон бериш, майда 
нарсаларни оғзига солмаслигини кузатиш; кийиниш жараёнида фаол 
иштирок этиш; кийим тугмачаларини тақиш ва ечиш, пойабзал ипларини 
ечиш ва боғлашни ўргатишда давом этиш; болага ҳуштак бўйича сув 
солинган идишни очиш ва ёпиш, унга сув тўлдиришни ўргатиш; 
шишанинг қопқоғини бурашига рухсат бериш.
Сенсомоторикани ривожлантириш. Болада ерга ёки деворга 
урилган коптокни илиб олишни, уни ўнг ёки чап қўли билан қайтаришни, 
ерда юмалатиш; мусиқа асбобининг овозига тақлид қилиш; кўзлари билан 
буюмни кузатиб бориш кўникмаларини шакллантириш. 
Болага коптокни икки қўли билан баланд кўтариб, нишонга (саватга ёки 
челакка) отиши учун имкон бериш, бўйнини бурмасдан кўзларни чап ва 
ўнг томонга ҳаракатлантиришни таклиф қилиш.