Кичик гуруҳ (3-4 ёш)

 
Нутқ, ўқиш ва саводга тайёргарлик
(
6 ойликдан – 12 ойликкача
) 
Нутқ. Болани катталар нутқини тинглаш ва тушунишга, гапириш ва 
сўзлашишга тайёрлашни давом эттириш. Кичкинтой билан муомалада 
бўлганда унга оддий саволлар бериш (“Шиқилдоқ ўйнайсанми?”) ва жавоб 
қайтаришга ундаш. Янги сўзларга осонлик билан тақлид қилиш, яқин 
одамларини овозидан таниш, ўз исмини эшитганда ўгирилиб қараш,
катталар сўзига кўра бирор буюмни топа олиш ва у билан маълум 
ҳаракатларни бажариш; “оч-ёп”, “ол-сол”, “қўғирчоқни бер” каби оддий 
топшириқларни бажариш кўникмасини ҳосил қилиш; ёшига мос куй-
қўшиқлар, айтишувлар, қисқа эртак ва ҳикояларни диққат билан 
тинглашини рағбатлантириш; айтилган томонга ўгирилиб қараш; оддий 
саволларга “ҳа”, “йўқ” деб имо-ишора билан жавоб бериш, “йўқ” сўзининг 
маъносини билиш, сўзларнинг биринчи бўғинларини ҳамда “дада”, “ойи”, 
“нон”, “сув” каби сўзларни айтишга ўргатиш. Катта ёшдагилар билан 
мулоқот қилишга интилишини рағбатлантириш. 
Бола билан кўпроқ сўзлашиш, сўзларни такрорлаш ҳамда ўзига 
яқин кишилар номини (ойи, дада, буви, хола, амма) айтиш; айрим 
ҳаракатларни билдирувчи феълларни (бер, ўтир, тур, кел) мустақил 
талаффуз қилиш ва бажаришга ўргатиш; парваришлаш жараёнида 
(овқатлантириш, чўмилтириш, кийинтириш, ухлатиш) бола билан 

---

21 
гаплашиш, унга тана аъзолари ва кийимларининг номини айтиш, ўзи 
ҳақида ҳикоячалар, қисқа эртаклар айтиб бериш. 
Ўқиш ва савод малакаларини эгаллаш. Китобларга нисбатан 
қизиқиш билдиришини, “ўқишга” тақлид қилиши; чиройли расмлар билан 
безатилган китобларни томоша қилишини; кўчадаги плакатларга қизиқиб 
қарашини; қоғозга узуқ-юлуқ чизиқларни, нуқталарни чизишга ҳаракат 
қилишини қўллаб-қувватлаш. Бола чизган “расм”ларидан қувониб,
атрофдагиларга кўрсатишга интилишини рағбатлантириш.