Кичик гуруҳ (3-4 ёш)

Тенгдошлари билан мулоқот. Болага тенгдошлари билан 
биргаликда ўйнашга имкон бериш; тенгдошларининг исмини айтишга 
ўргатиш. Унинг бошқа болалар билан ижобий муомала қилишини 
рағбатлантириш ва мустаҳкамлаш. 
Ҳиссий ривожланиш. “Мен” концепцияси ёки ўз-ўзини англаш. 
Болага ўз исмини айтишни, ўзини кўзгуда, расмда танишни ўргатишни 
давом эттириш.

---

28 
Катталарнинг талаблари ўз хоҳишига мос тушмаганда норозилик 
билдира олишга, оила фаолиятида (ўйинчоқларни йиғиштириш, 
телевизорни ёқиш ва ўчириш) қатнашишга имкон бериш.
Боланинг исмини айтиб чақириш, кўзгу, фотосуратларда ўзи, онаси, 
отаси, яқинларини кўрсатишини рағбатлантириш. Кичкинтойга оилада уни 
яхши кўришлари, қадрлашлари ва доимо ғамхўрлик қилишларини 
тушуниш имконини бериш; ҳар бир янги ҳаракатини олқишлаш, 
рағбатлантириш ва мақташ. 
Ҳиссий ифодалаш. Боланинг ўзига яқин инсонларга интилиши ва 
меҳр кўрсатишини (ўпади, қучоқлайди) рағбатлантириш. 
Мусиқага монанд ҳаракат қилишни, катталарнинг яхши ва ёмон 
муносабатини сезишни, атрофдагиларнинг ҳис-туйғуларини (она бахтиёр, 
бува толиққан) сўз оҳанги ва ҳаракатидан ажратишни, ўз ҳиссиётларини 
ифодалаш (қувониш, ўз ютуқлари билан ғурурланиш, ўзи таниган 
катталар билан хайрлашаётганда хафа бўлиш, йиғлаётганларни ўзича 
юпатиш)ни ўргатиш. 
Боланинг эътиборини бошқа болаларнинг кайфияти (хурсанд, хафа, 
чарчаган)га қаратиш, кийкинтойлар ҳақида, уларнинг қувноқ ҳаёти, орзу-
умидлари ва севинчлари тасвирланган қисқа ҳикоячаларни ўқиб бериш. 
1-2 ёшли бола билан муносабатда қуйидагиларга риоя қилиш лозим: 
болани эмас, унинг ҳаракатлари ва муомаласини баҳолаш; 
гўдакнинг ҳаддан ташқари ҳаяжонланиш (стресс)ининг олдини 
олиш.