Кичик гуруҳ (3-4 ёш)

Ўқиш ва савод малакаларини эгаллаш. Ёрқин расмлар билан 
безатилган китобларни томоша қилиш, расмларда акс эттирилган 
буюмларни таниши ва тушунишга ўргатиш. Ёзма матн, ҳарфлар ва 
рақамларга қизиқиш уйғотиш. Боланинг қоғоз сатҳига қалам ва ручка 
ёрдамида горизонтал, доирасимон ва вертикал чизиқларни чизишга, қалам 
ёки мўйқалам билан расм чизишга ҳаракат қилишини рағбатлантириш. 
Бадиий адабиёт. Боланинг катталар томонидан жозибали тарзда 
айтилаётган шеърий мисралардаги ритмик изчилликдан, қофияли 
сўзлардан, 
мусиқий 
оҳангдан 
қувонишини 
рағбатлантириш; 
атрофдагиларга, 
яқинларига 
нисбатан 
меҳр-муҳаббат 
туйғусини 
уйғотишда, ўзига нисбатан ишонч ҳиссини пайдо қилишда халқ
эркаламаларидан (“Дилрабо дилим, дедилар...”, “Акбаржоним отлидур...”, 
“Ферузахон – ой қиз...”); илк ҳаракатларини олқишловчи (“Чопиб-чопиб 
юрганда...”, “Югурса, онаси кўрса...”) қўшиқлардан кенг фойдаланиш. 
Қўшиқдаги айрим сўз ва мисраларни такрорлаш кўникмасини таркиб 
топтириш; бола билан биргаликда қувноқ ўйин қўшиқларини (“Ҳой-ҳой, 
чапак-чапак...”, “Бармоқлар ҳақида...”) айтаётганда, қўшиқ сўзларини 
маълум ҳаракатлар билан боғлаш орқали болани қувонтириш, шўхчанг 

---

30 
кайфият бағишлаш, ўйинга иштиёқ уйғотиш. 
Катталар боланинг кундалик ҳаётидан олинган мавзулар асосида 
қисқа, содда ҳикоялар тўқиши (“Сардор деган бола ҳақида”, “Кўйлакчаси 
ҳақида”, “Боғчаси ҳақида”, “Сардорнинг ойиси”, “...дадаси”, “...опаси”, 
...акаси”, “...ўртоғи”) ва мароқли тарзда сўзлаб беришлари мақсадга 
мувофиқ. Шу тарзда болани суҳбатлашишга қизиқтириш, тинглаш, 
тушуниш кўникмаларини таркиб топтириш; унга эртак ёки ҳикоя асосида 
оддий саволлар бериб, жавоб беришга йўналтириш. Кичкинтойнинг
диққатини китобларда ишланган ёрқин рангдаги расмларга қаратиш. 
Болага китобни тоза қўл билан ушлаш, варақларини авайлаб очиш, 
букламаслик, йиртмаслик, чизмаслик ҳақида илк тушунчалар бериш.