Кичик гуруҳ (3-4 ёш)

 Майда 
моторикани 
ривожлантириш. 
Бола 
қўллари 
ва 

---

26 
бармоқларининг ҳаракатланишини назорат қилади. Боланинг ўйинчоқлар 
ва буюмлардан фойдаланишини, оддий ўйинчоқларни қисмларга 
ажратишни ва йиғишни, эшик дастасини ушлаб, очиш ва ёпишни, эшик 
қўнғироғининг тугмачасини босишини рағбатлантириш. Болага турли 
ўйинчоқларни бармоқлари билан айлантириш, бир қўли билан пиёлани, 
қошиқни ушлашга, уч ёки ундан ортиқ бўлаклардан иборат бўлган 
минорачалар қуришга ўргатиш. 
Боланинг йиғма иншоот ўйинчоқларни ўрганишга, устма-уст, ёнма-
ён қўйиб ўйнашига имкон яратиш; йирикроқ спорт жиҳозларини (тўп, 
кегли, ҳалқа в.б.) бериб, уларни катта ёшдагилар назорати остида териши 
ва саралаши учун шароит ҳозирлаш, хавфсиз уй-рўзғор буюмлари билан 
ўйнашга рухсат бериш. Боланинг майда моторикасини ривожлантириш 
мақсадида “Ҳалқаларни йиғ”, “Саватга тушир”, “Коптокни ол” каби 
ҳаракатли ўйинларни ўйнатиш. 
Сенсомоторикани ривожлантириш. Боланинг сувни кичик 
идишдан катта идишга қуйишга бўлган ҳаракатларига имкон бериш, бош, 
қулоқ, бурун, кўз, қўл, оёқ каби тана аъзоларини кўрсатишга ўргатиш; 
турли ўлчамдаги иккита идиш бериб, бир идишдаги коптокчаларни 
иккинчи идишга солишни сўраш, ушбу жараёнда кўргазмали ва қизиқарли 
усуллардан фойдаланиш (шиқилдоқлар, шаффоф елим идишлар в.б.), 
болага у кўраётган нарса ва ҳаракат ўртасидаги боғлиқликни тушунишга 
ёрдам бериш; уни иссиқ сувдан эҳтиёт бўлишга ўргатиш. Боланинг энг 
кичик ютуғини ҳам рағбатлантириш. 
Маданий-гигиеник кўникмаларни ривожлантириш. Болада 
маданий-гигиеник кўникмаларни таркиб топтиришда давом этиш; катталар 
ёрдамида тиш чўткаси билан тишларини тозалаш; қўллар ва юзини 
мустақил ювиш ва артиш, ўриндиқда тўғри ўтириш, мустақил равишда 
қошиқни ушлаш ва овқат ейиш, пиёладан чой ёки сув ичиш; тувакдан 
мустақил фойдаланиш; кўйлак, қўлқоп, пайпоқ ва пойабзални тўғри кийиш 
ва ечиш кўникмаларини шакллантириш. Болани юз-қўллари ва 
кўйлакларини тоза тутишга, сочларини тараб, одобли бўлиб юришга 
одатлантириш. Уларда озодаликка, тартибга ҳавас уйғотиш.