Кичик гуруҳ (3-4 ёш)

Умумривожлантирувчи машқлар.
Қўл ва елка мускуллари учун машқлар. Дастлабки ҳолат: гавда тик 
тутилган, оёқлар елка кенглигида очилган, қўлларни юқорига кўтариш ва 
букиш, ёнга чўзиш ва букиш; кўкрак олдида чалиштириш ва ёнга узатиш; 
қўлларни орқага яшириш, бош устида, кўкрак олдида чапак чалиш; 
қўлларни олдинга ва орқага айлантириш, пастга-юқорига (қўллар ён 
ҳолатда), қўлларни бош устига кўтариш ва кафтларни айлантириш. 

---

37 
Шунингдек, машқларни турли хил буюмлар (шиқилдоқлар, кубиклар, 
лентачалар, рўмолчалар) билан турлича ҳолатларда бажариш. 
Оёқлар учун машқлар. Турган жойида юриш, олдинга қадам ташлаш. 
Оёқ учини кўтариб товонда туриш, бармоқларини қимирлатиш. 
Гавдани ривожлантирувчи машқлар. Ўнг ва чапга ўгирилиш; 
қўлидаги буюмни ёнида турган болага узатиш. Олдинга ва ён томонларга 
энгашиш. Ўтирган ҳолда оёқларни букиш ва ёзиш. Чалқанча ётган ҳолда 
оёқларни юқорига кўтариб, тушириш, қўллар ва оёқларни бир вақтда 
биргаликда қимирлатиш. Ўтириш ва туриш. Қорин билан ётган ҳолда 
қўлларни ва оёқларни кўтариш, ёнбошдан-ёнбошга ағдарилиш. 
Сафланиш ва қайта сафланиш. Тарбиячи ёрдамида гуруҳларга 
бўлиниш ёки бирлашиш, бир-бирининг кетидан туриш, бутун гуруҳ билан 
айлана бўйлаб, жуфт-жуфт бўлиб сафланиш.
Майда моторикани ривожлантириш. Бола юзали ва ҳажмли 
буюмларни тегишли шаклдаги тешикларга солиши, пластилин ёки лойдан 
турли буюмларни иштиёқ билан ясаши (узиб, юмалоқлаб, яссилаб в.б.), 
мозаикани териши, ўйинчоқ тўпламларидан оддий конструкцияларни 
йиғиши, 5-7 бўлаклардан иборат бўлган минорачаларни қуриши, кичик 
нарсаларни саватга жойлаштириши ва ундан чиқаришини рағбатлантириш. 
Қаламни 
ушлаётганда 
катта 
ва 
кўрсаткич 
бармоқларидан 
фойдаланишга, кийимларининг тугмачаларини тақиб, ечишга; ўйинчоқ ёки 
нарсаларнинг қисмларини ажратишга, қутичалар ёки ручкаларнинг 
қопқоқларини очиш ва ёпишга ўргатиш.