Кичик гуруҳ (3-4 ёш)

Фазода мўлжал олиш. Боланинг атрофдаги нарсаларнинг ўзига 
нисбатан вазиятини сўз билан ифодалаш кўникмасини мустаҳкамлаш: 
ўнгда, чапда, олдинда, орқада, узоқда, яқинда. 
Болани кўрсатилган йўналишда мўлжал олишга, берилган шарт 
бўйича ўз жойини белгилашга ўргатиш (шундай тургинки, машина ўнг 
томонингда, копток олдингда бўлсин).  
У ёки бу буюмни бошқа бир буюмга нисбатан жойлашганлигини сўз 
билан ифодалашга ўргатиш (кучукчанинг чап томонида – қуён, 
кучукчанинг ўнг томонида – айиқча). 
Болани қоғоз варағи сатҳини мўлжалга олишга, қоғознинг ўнг, чап, 
юқори, паст, ўртасини аниқлашга ўргатиш. 
Вақт бўйича илк тушунчалар. Боланинг вақт ҳақидаги 
тасаввурларини мустаҳкамлаш ва чуқурлаштириш. “Эрталаб”, “Кечқурун”, 
“Кундуз”, “Тун”, “Кеча”, “Бугун”, “Эртага” тушунчаларини фарқлаш ва бу 
сўзлардан тўғри фойдаланиш кўникмасини мустаҳкамлаш. 
Болани ҳафта кунлари билан таништириш ва ҳафта кунлари 
номларини изчиллик билан айтишни, кеча ҳафтанинг қайси куни 
бўлганлиги, бугун қанақа кун, эртага қайси кун бўлишини аниқлашни 
ўргатиш. 
Йил фаслларининг номини кетма-кетликда айтиш кўникмасини
мустаҳкамлаш. 
Бола билан кўпроқ суҳбатлашиш, ундан эрталабдан кечқурунгача 
қандай ўтганлигини айтиб беришни сўраш. 
 Қуриш-ясаш. Лего жиҳозларидан лойиҳалар яратишни, 8-10 қисмдан 
кам бўлмаган пазлларни йиғишни ва қоғозларни букиб (оригами йўли 
билан) шакллар ясашни, қурилиш материаллари тўпламларидан турли 
мавзулардаги лойиҳаларни амалга оширишни ўргатиш.
Бола эгаллаган билим ва кўникмалар қуйидаги ўйинлар орқали 
мустаҳкамланади: 
“Кун қисмлари”, “Тўғри жойлаштир”, “Тескари саноқ”, “Қаерга 
борасан, нимани топасан?”, “Кеча, бугун, эртага”, “Топган-топалоқ”, 
“Бутун ва қисмлар”, “Рангли доиралар ва оваллар”, “Ҳафта”, “Байроқчага 
қараб юр”, “Ким билса давомини санасин”, “Бир хилини топ”, “Ҳа-йўқ”, 
“Йил фасллари”, “Топинг нечта ўйинчоқ?”, “Ўнгда-чапда, олдинда-
орқада”, “Қўнғироқча қаерда жиринглаяпти?”, “Мен қандай сон 
ўйладим?”, “Гараж”, “Етадими?”, “Кўп, оз, шунча”, “Шартли белгилар 
асосида ҳаракат қиламиз”, “Зинапоя”, “Ўз сонингизни эслаб қолинг”, 

---

130 
“Дарвозадан ўтинг”, “Бошқа қўлимда нечта?”, “Бу кимнинг қутиси?”, “Ким 
биринчи?”, “Ким энг топқир?”, “Ким зийракроқ?”, “Ҳаракатдаги ҳафта 
кунлари”.