Кичик гуруҳ (3-4 ёш)

Ўқув йили охирида бола: 
- 10 ичида тўғри ва тескари тартибда санай олади; 
- 10 гача бўлган сонни ўзидан кичик бўлган иккита сонга ажратади; 
- ёнма-ён турган сонлар орасидаги муносабатларни тушунади; 
- 10 ичида бармоқ, саноқ чўпи ва буюмлар ёрдамида қўшиш ва 
айиришни билади; 
- сони 10 гача бўлган икки гуруҳдаги буюмлар сонини таққослаш 
тенглаштириш, биттага камайтириш, биттага орттиришни билади; 
- ўз уйининг рақамини билади; 
- доира, квадрат, учбурчак, тўғри тўртбурчак, овалларни фарқлайди; 
- махсус шакллар тўпламидан фойдаланиб, намунадаги нарсаларни 
ясай олади; 
- шар, куб, конус ва цилиндрларни танийди; 
- лабиринтларни билади ва уларнинг ечимини топади; 
- буюмларни қандай қисмлардан ташкил топганлигини, уларнинг 
хусусиятларини (катталиги, шакли, номи) фарқлайди, 
- бутунни 2 та, 4 та тенг бўлакка бўлишни билади, бутун билан қисмни 
таққослайди ва фарқлайди; 
- буюмларни (10 тагача) узунлиги, эни, қалин-юпқалигига кўра 
қиёслайди, “бир хил”, “кенг”, “кенгроқ”, “энг кенг”, “тор”, “торроқ”, 
“энг тор”; “қалин”, “қалинроқ”, “энг қалин”; “юпқа”, “юпқароқ”, 
“энг юпқа”; “баланд”, “баландроқ”, “энг баланд”; “паст”, “пастроқ”, 
“энг паст” сўзларини нутқда тўғри қўллайди; 
- буюмларни ўзига нисбатан ўрнини аниқлай олади (тепада-пастда, 
ўнгда–чапда, олдинда-орқада), ишора бўйича турли йўналишда 
ҳаракатланади (олдинга - орқага, чапга - ўнгга); 
- қоғоз варағининг ўнг, чап, юқори, паст, ўртасини аниқлайди; 
- сутка қисмлари – эрталаб, кундузи, кечқурун, тунни фарқлайди; 
- кеча, бугун, эртани билади; 
- ҳафта кунларининг номини, кетма-кетлигини, бугун ҳафтанинг қайси 
куни эканлигини айтади; 
- йил фаслларининг номини билади; 
- пул ва унинг кўриниши, ундаги рақамлар ва қийматни танийди; 
- “лего” жиҳозларидан лойиҳалар яратади; 
- 8-10 та қисмли пазлларни йиғади; 
- қоғоздан буклаш йўли (оригами) орқали содда шаклларни ясайди.