Кичик гуруҳ (3-4 ёш)

Лой, пластилин (тузли хамир ва рангли шамча)лар билан ишлаш. 
Пластик материаллар – лой, пластилин, тузли хамир, рангли 
шамчалардан нарсалар ясашнинг ўзига хос хусусиятлари билан 
таништиришда давом этиш. Нарсалар (мева, сабзавот, ўйинчоқлар)нинг 
аслига қараб ёки тасаввурга асосланиб ясаш; ясалаётган нарсанинг ўзига 
хос хусусиятларини тасвирлашга ўргатиш. Нарсаларни ясаётганда турли 
усулларни ўринли қўллаш малакасини мустаҳкамлаш. 
Тарбиячи пластик материаллардан нарса ясашга оид усулларни аввал 
ўзи кўрсатиб беради, сўнгра бола давом эттиради. Лойдан ясалган 
шаклдаги нотекис ғадир-будур жойларни бармоқларни сув билан намлаб, 
силлиқлашга (умуман лой билан ишлаш жараёнида доимо бармоқларни 
сувда ҳўллаб туришга одатлантириш); лойдан ясалган ясси текисликдан 
рельеф ясашга, ясалган шакллар қуригач, уларни безаш ҳамда нақш 
чизишга  ўргатиш. 

---

141 
Яхлит бўлакдан тасмалар ясаш, тасмаларни бир-бирига жипслаш, 
ёпиштирилган қисмларни силлиқлаш йўли билан мустаҳкамлаш ва 
жозибали нарсалар (кўзача, пиёла) ясашга ўргатиш.
Адабий асар қаҳрамонлари образини (Качалполвон, Қорқиз) ясаш; 
қисмларнинг нисбий катта-кичиклигига риоя қилган ҳолда бир-бири билан 
бирлаштириш; уланган жойни силлиқлаш (улоқча) усулида мустаҳкамлаш. 
Тасвирга хос характерли жиҳатларни кўрсатишда ҳайкалтарошлар ёғоч 
қаламидан фойдаланишни ўргатиш. 
Болани аниқ мазмунга эга бўлган тасвирлар (“Саватдаги гуллар”) 
ясашга йўналтириш; сопол тагликка шаклни жойлаштиришга ўргатиш. 
Инсон ва ҳайвон танасининг мураккаб бўлмаган ҳаракатларини акс 
эттирувчи мавзули нарсалар (товуқ жўжалари билан донламоқда) ясаш. 
Образли шакллардаги майда деталларни бармоқлар билан ёки ёғоч қалам 
ёрдамида ҳосил қилишга (жониворларнинг юнги, қушнинг қанотлари, 
кийимлардаги безак ва бурмалар) ундаш. Жамоавий ишларни бажаришга 
(“Ҳайвонот боғи”, “Гуллаган дарахт”) қизиқтиришни давом эттириш. 
Табиат материалларидан фойдаланиб ижод қилишга ўргатиш.
Болада халқ амалий-безакли буюмларига нисбатан қизиқиш ва 
ҳавасни шакллантириш. Миллий ўйинчоқлар намунаси бўйича лойдан 
ҳайвонлар, қушлар шаклини ясашга ўргатиш. Ясалган нарсаларга нақш 
чизиш ва уларни гуашь билан безаш малакасини шакллантириш.
Пластик 
материаллардан 
нарсалар 
ясаш 
бўйича 
эгаллаган 
билимларидан фойдаланиб, халқ усталари анъаналари асосида мустақил 
ўйинчоқлар ясаш, ҳайкалтарошлар ёғоч қаламида нақш чизишга, гуллар ва 
мунчоқлар билан безашга уринишини рағбатлантириш.
Иш жараёнида тартиб ва озодаликка риоя қилишга, лой, пластилин ва 
бошқа материалларни ҳар жойга ташламасликка, ишдан сўнг қўлларни 
тозалаб ювишга одатлантириш. 
Болани худуддаги кулолчилар иши билан таништириш; халқ усталари 
ясаган чинни идиш (лаган, пиёла, кўза)лар намойиш этиладиган
кўргазмаларга, халқ амалий санъати музейларига саёҳатга олиб бориш.