Кичик гуруҳ (3-4 ёш)

Ўқув йили охирида бола:  
- Ўзбекистоннинг Мустақиллик кунини, Давлатимиз рамзлари: герб, 
байроқ, мадҳияни, Ўзбекистоннинг пойтахти Тошкент эканлигини 
билади; 
- Ўзбекистонда давлат тили – ўзбек тили эканлиги ҳақида тушунчага 
эга; 
- ўзи яшайдиган кўча, маҳалла, қишлоқ, туман ёки шаҳарнинг номини 
билади; 
- Буюк алломалардан: Ал Беруний, Абу Али ибн Сино, Мирзо 
Улуғбек, А.Навоий ҳақида маълумотга эга; 
- халқ амалий санъати ҳақида тушунчага эга; 
- Буюк саркадалардан: Амир Темур, Заҳириддин Муҳаммад Бобур 
ҳақида билади; 
- умумхалқ 
байрамлари Мустақиллик куни, Ўқитувчилар ва 
мураббийлар куни, Ўзбекистон Республикасининг Конституцияси 
қабул қилинган кун, Янги йил байрами, Халқаро хотин-қизлар 
байрами, Наврўз байрами ҳақида тасаввурга эга; 
- ҳарбий қўшинлар, уларнинг вазифалари ҳақида тушунчага эга; 
- ўзи учун янги бўлган нарсаларни кўриб қолганда, унинг 
хусусиятларини билиб олишга уринади; 
- ўйинларда воқеалар, ҳаётий вазиятлар, катта ёшдагилар меҳнатига 
тақлид қилади; 
- ўзининг мустақил далилларини келтириб, воқеаларни муҳокама қила 
олади;
- йўлда ҳаракатланиш ва кўчада ўзини тутиш қоидаларини билади; 
- одамнинг бир неча органлари ва уларнинг хусусиятлари ҳақида 
маълумотга эга; 
- одам ва ҳайвон ўртасидаги бир неча фарқланувчи ва умумий 
жиҳатларни айта олади. 
 
Табиат билан таништириш 
(5-6 ёш) 
Жонсиз табиат. Боланинг табиат ҳодисаларига қизиқишини
орттириш ва билимларини янада кенгайтириш (қор, дўл ёғиши, туман 
тушиши, момақалдироқ в.б.).
Болага сувнинг инсон ҳаёти учун ниҳоятда зарурлиги, сувсиз ҳаёт 
бўлмаслигини, ер юзидаги энг бебаҳо бойлик сув эканлиги, сувни асраш, 
тежаш, исроф қилмаслик лозимлиги ҳақида таъкидлаб бориш. 
Оддий сабаб-оқибат алоқаларини тушунишларига ёрдам бериш, 
амалий тажрибалар асосида кўрсатиш. Иссиқда музнинг сувга айланиши ва 
аксинча паст ҳарорат таъсирида суюқ ҳолатдан қаттиқ ҳолатга (сувнинг 
музга) ўтиши ҳақидаги тасаввурини кенгайтириш.
Сувнинг буғга ва аксинча, буғни сувга айланиши ҳодисалари билан 
таништириш.

---

135 
Тоғ, ўрмон, дарё сингари ўзига хос географик атамаларнинг 
номларини билишга қизиқиш уйғотиш, Ўзбекистонда юксак тоғлар, қалин 
ўрмонлар, денгиз ва дарёлар борлиги ҳақида суҳбатлашиш. Дарё – тоғдан 
бошланган ирмоқлардан ҳосил бўлади. Дарёларнинг сувлари денгизга 
қуйилади. Дарё сувларидан дала ва боғларни суғоришда, аҳоли эҳтиёжини 
қондиришда фойдаланилади. 
Ўрмон – энг кўп дарахт ўсадиган жой. Ўрмон дарахтлари табиий 
равишда вужудга келади. Ўзбекистоннинг тоғли қисмида ўрмонлар бор. 
Тоғ ўрмонларида мевали, манзарали дарахт ва буталар ўсади. 
Болани мустақил фикрлашга, далиллар келтириб, бемалол асослаб 
беришга ундаш (сувдан енгил бўлган нарсалар сувга чўкмаслиги, сувдан 
оғир бўлган нарсалар чўкишини оддий тажриба асосида амалий кўрсатиб 
тушунтириш).