Кичик бизнес ва хусусий тадбиркорлик субъектларида ишлаб чиқариш харажатлари ва маҳсулот таннархи таҳлили

Қисқа муддатли даврда, эркин рақобат шароитида, одатда, бозордаги талаб ва таклифнинг ўзаро нисбати деярли ўзгармайди. Шунинг учун баҳолар нисбатан барқарор бўлади. Алоҳида фирма бозордаги баҳоларга таъсир эта олмайди.
Узоқ муддатли даврда бу шароитлар ўзгаради. Фирма шу муддатда тармоқдаги ўз улушини кенгайтириши ёки, аксинча. қисқартириши ва ҳатто тармоқни тарк этиши мумкин. Узоқ муддатли даврда тармоқдаги рақобат шароитлари ва баҳоларда қатор жиддий ўзгаришлар юз беради. Демак, узоқ муддатли даврда муҳим равишда ишлаб чиқаришни технологик янгилашга, доимий ва ўзгарувчи харажатларни тежашга, маҳсулотнинг харидоргирлигини оширишга жиддий эҳтибор бериш лозим.
Тадбиркорликда иқтисодий таҳлил муҳим рол ўйнайди. Унинг асосий мақсади қўйилган вазифаларнинг бажарилишини, белгиланган кўрсаткичларга эришиш даражасини аниқлаш ва баҳолаш, улардан четланишлар миқдори ва сабабларини, ишларни яхшилаш йўлларини аниқлаш ҳисобланади. У молиявий ва бошқарув таҳлили, оператив ва даврий, статистик кўринишларда молиявий-хўжалик ҳисоботларни ўрганиш, горизонтал таҳлил, вертикал таҳлил, тренд таҳлили, омилий таҳлил, молиявий коэф-фициентлар таҳлили усуллари ёрдамида амалга оширилади. Тадбиркорликда маҳсулот ишлаб чиқариш ва уни сотиш, ишлаб чиқариш харажатлари ва маҳсулот таннархи, фаолият даромади, фойдаси, рентабеллиги, самарадорлиги мунтазам равишда таҳлил қилиб борилиши лозим.
Таянч иборалар
Тахлил, ички тахлил,ташқи тахлили, ишлаб чиқиш харажатлари, давр харажатлари, капитал харажатлар, бевосита моддий харажатлар; бевосита меҳнат харажатлари; кўп ёқлама характердаги харажатлар, доимий ва ўзгарувчи харажатлар, чегаравий харажатлар, рентабеллик.