Kichik biznes faoliyatini rejalashtirish

^ 6.2. Biznes g‘oyalarining shakllanishi va biznes loyihalarini texnik-iqtisodiy asoslash

Tadbirkorlik g‘oyasi - har qanday biznes tashabbusining asosidir. U doimo shakllanib borishi uchun tadbirkorlik qobiliyati, u yoki bu mahsulotni ishlab chiqarish haqida kerakli bilim, savdo, moliya, vositachilik va innovatsion faoliyat haqida tushuncha bo‘lishi kerak.

Tadbirkorlik g‘oyasi samarali bo‘lishi uchun xo‘jalik faoliyatining rejasini, amalga oshirish zarur bo‘lgan muhim manbalarning birinchi o‘rinda turuvchi muammolar belgilagan asosiy dasturni ishlab chiqish kerak.

Tadbirkorlik g‘oyalarining yashovchanligini ta’minlovchi tashkil etuvchi elementlarga quyidagilar kiradi:³ kichik biznesning xo‘jalikdagi ahamiyatini aniqlash; raqobatbardoshlik, ya’ni boshqa tadbirkorlik tizimlariga nisbatan iste’molchilar extiyoj va talabini qondirishda qo‘li baland kelishiga ishonch xosil qilish; ma’lum sharoitda g‘oyalarni amalga oshirish; mahsulot- ishlab chiqish strategiyasi, sotuvga tayyorlangan tovarlar yoki haridor extiyojlaridan kelib chiqadigan xizmatlar tahlilini;bozorlar -mahsulotni qayerda, qanday qilib, kimga va qanday narxda sotishni belgilab olish va shu bilan birga haridorning maqsadi qanday ekanligani aniqlab olish lozim: manbalar- joriy harajat va investitsiya. Korxonadagi strukturaviy (tizimiy) o‘zgarishlar-filiallar va tarmoqlangan korxonalarni tashkil etish; rivojlanish dasturi- xo‘jalik faoliyati va tovarlar sotiladigan bozor yo‘nalishlarini ta’riflaydi, ishbilarmon faolligini oshiradi, korxonaning, tadbirkorlikning tashqi bozor muhitiga moslashuviga asoslanib, xo‘jalik faoliyatini takomillashtiradi. Kichik korxona moslashuvini ta’minlash uchun xo‘jalik faoliyatining umumiy rejasini ishlab chiqish, harajat tizimini, mahsulot yoki ko‘rsatilayotgan xizmat ro‘yxatini aniqlash kerak.

^ Biznes loyihalarini texnik-iqtisodiy asoslash

Kichik biznes korxonasi boshqaruvchisi xo‘jalik faoliyatini boshqarayotib, o‘z rejasini amalga oshirishning muqobil yo‘llari va imkoniyatlari haqida ma’lumot olishi va ulardan eng yaxshisini tanlashi kerak.

Xususan, eng oqilona tadbirkorlik loyixasi shuki, u jalb qilingan va naqd kapitalni samarali, to‘g‘ri va to‘liq rejalashtirilgan natijaga erishishga yo‘naltirishi, asoslangan maqsadga muvofiq usullar bilan xo‘jalik masalalarini amalga oshirishi lozim. Loyixaning yashash qobiliyati iqtisodiy-texnik ko‘rsatkichlar bilan, shuningdek eng afzal xulosalarning tanlashga asoslangan va maqsadga muvofiq xatti-harakatlarga to‘g‘ri baho berish bilan ta’riflanadi.