Кбк: 60. 5(5Ў) 31 Санжар Юлдашев Социологик тадқиқот методологияси [матн] / С. Юлдашев. Т.: Тошкент ислом университети, 2018. 228 б. (575. 1) Кбк: 31

муаммоли вазият (1)
очиб берилади, ундан сўнг ушбу 
муаммонинг ижтимоий характер касб этиши тасдиқланади, яъни 
ижтимоий муаммо (2)
кўрсатилади ва учинчи бўлиб, ушбу 
муаммонинг ечими социологик тадқиқотни талаб этишини асослаш 
учун 
илмий муаммо (3)
шакллантирилади.
Мисол сифатида 
“Хорижда узоқ муддатда ишлаб келган 
фуқароларнинг мослашиш муаммолари” 
мавзусидаги социологик 
тадқиқот дастурида ушбу элементларнинг қандай кўрсатилганлигини 
кўришимиз мумкин:
Муаммоли вазият:
Бугунги кунда кўплаб йўналишлар қаторида, Ўзбекистоннинг 
меҳнат миграцияси масалалари бўйича давлатлараро ҳамкорлигининг 
кўлами ўсиб бормоқда.

---

54
Бу борадаги фаолиятни тартибга солиш мақсадида Ўзбекистон 
Республикасининг 1998 йил 1 майдаги “Аҳолини иш билан 
таъминлаш тўғрисида”ги Қонуни, Вазирлар Маҳкамасининг 1995 йил 
19 октябрдаги “Ўзбекистон Республикаси фуқароларининг чет элдаги 
ҳамда хорижий фуқароларнинг республикадаги меҳнат фаолияти 
тўғрисида”ги 408-сонли, 2003 йил 12 ноябрдаги “Ўзбекистон 
Республикаси фуқароларининг чет эллардаги меҳнат фаолиятини 
ташкил этишни такомиллаштириш чора-тадбирлари тўғрисида”ги 
505-сонли қарорлари ва бошқа бир қатор норматив-ҳуқуқий 
ҳужжатларни келтириб ўтиш мумкин.
Бундан ташқари, фуқароларнинг хорижий давлатларга чиқиши, 
ишга жойлашиши, уларнинг хавфсизлигини таъминланишига оид 
вазифаларни амалга оширувчи Ташқи ишлар вазирлиги, Бандлик 
ва меҳнат муносабатлари вазирлиги, Ташқи меҳнат миграцияси 
масалалари агентлиги каби қатор давлат институтлари фаолият 
юритмоқда.
Шунга қарамасдан ишсизлик муаммоси бугунги кунда Ўзбекистон 
Республикасига сезиларли таъсир ўтказмоқда. Маълумотларга 
кўра, республика аҳолиси ишчи синфини 4,9% доимий иш билан 
таъминланмаганлар ташкил қилади. Ўзбекистон ҳукумати мазкур 
муаммони ҳал этиш учун 2007 йилда Россия Федерацияси, 2009 йилда 
Корея ва Хитой каби бир нечта давлатлар билан икки томонлама 
битимлар имзолаган.
Лекин узоқ муддат давомида хорижий мамлакатларда бўлиб 
қайтган фуқаролар Ўзбекистон Республикасига қарши турли 
деструктив кучларнинг таъсири ёки у ердаги ҳаёт тарзига кўникиб 
қолиши натижасида, уларнинг Ўзбекистондаги ижтимоий-сиёсий 
ҳаётга мослашувида айрим муаммоларни келтириб чиқармоқда.