Kazuslar: 2021-yil 1-fevral kuni Oʻzbekiston Respublikasi Ekologiya va atrof-muhitni muhofaza qilish davlat qoʻmitasi Surxondaryo viloyati boshqarmasi ekologik ekspertiza

Kazuslar:
2021-yil 1-fevral kuni Oʻzbekiston Respublikasi Ekologiya va atrof-muhitni muhofaza qilish davlat qoʻmitasi Surxondaryo viloyati boshqarmasi ekologik ekspertiza boʻlimi navbatdagi nazorat tadbirini amalga oshirdi. Ushbu tadbir jarayonida “OBOD MEBEL” mebel ishlab chiqarish zavodiga tashrif buyurildi. Zavod rahbari S.Obidov zavod 5 yil muqaddam ekologik ekspertizadan oʻtganligi va 30 kun mobaynida tekshirilib ijobiy xulosasi mavjudligi yuzasidan maʼlumot berdi. Korxona rahbari ushbu korxonani atrof muhitga taʼsir koʻrsatishning IV toifasiga kirganligi sababli ekspertiza uchun haq toʻlanmaganligini va qonun boʻyicha haq toʻlashdan ozod qilinganligini taʼkidladi. Shunga qaramay, Ekologiya va atrof-muhitni muhofaza qilish davlat qoʻmitasi Surxondaryo viloyati boshqarmasi ekologik ekspertiza boʻlimi xodimlari zavodni 14 kun muddatda ekologik ekspertizadan oʻtkazish lozimligini bildirishdi. Bunga javoban, korxona rahbari S.Obidov bir oy oldin ekologik audit oʻtkazilganligini maʼlum qildi. Ekspertiza oʻtkazilishi korxona ishlab chiqarish faoliyatiga taʼsir qilishi mumkinligini vaj qilib koʻrsatdi.
Ushbu muammoli vaziyatni Oʻzbekiston Respublikasi qonun hujjatlariga muvofiq hal qiling.

Yechim:
Men avvalo ushbu muammoli vaziyatga huquqiy baho berishni quyidagi savollar bilan boshlamoqchiman. To’g’ri berilgan savol vaziyatga to’g’ri huquqiy yechim berishning kaliti desak mubolag’a bo’lmasa kerak.

1. 
   Ekologik ekspertiza o’tkazish tartib qoidalari qanday?
   
2. 
   Qanday hollarda Yuridik yoki jismoniy shaxslar ekologik ekspertiza uchun haq to’laydilar.
   
3. 
   Ekologik audit nima?
   
4. 
   “OBOD MEBEL” mebel ishlab chiqarish zavodi dikertori S.Obidovning harakatlari huquqiy ahamiyatga egami?
   

Mazkur savollarga javob berish orqali vaziyatga huquqiy yechim bersak bo’ladi. Demak, birinchi bo’lib Ekologik ekspertiza o’tkazish tartib qoidalari qanday degan savolga javob berishdan boshlaymiz. 2000-yil 25-may, 73-II-son bilan qabul qilingan “Ekologik ekspertiza to‘g‘risida”gi O‘zbekiston Respublikasi qonuni bizga yordam beradi.