Kazuslar: 2021-yil 1-fevral kuni Oʻzbekiston Respublikasi Ekologiya va atrof-muhitni muhofaza qilish davlat qoʻmitasi Surxondaryo viloyati boshqarmasi ekologik ekspertiza

Ekologik normativlar qaysi davlat organlari tomonidan qanday maqsadlarda ishlab chiqiladi?
Oʻzbekiston Respublikasi “Tabiatni muhofaza qilish toʻgʻrisida”gi qonunining 14-moddasiga asosan xoʻjalik faoliyatining atrof tabiiy muhitga zararli taʼsiri atrof tabiiy muhit sifatining aholining ekologik jihatdan xavfsizligini, tabiiy resurslarni tiklash va muhofaza qilishni kafolatlovchi normativlari va standartlari bilan yuridik va jismoniy shaxslarning faoliyati cheklab qoʻyiladi⁶.
Atrof tabiiy muhit normativlari quyidagi koʻrsatkichlarni belgilashga qaratilgandir:

• 
  tabiiy resurslardan foydalanish hajmlarini belgilash;
  
• 
  tabiiy obyektlarning umumiy sifat koʻrsatkichlari;
  
• 
  tabiiy obyektlarga zararli taʼsir koʻrsatishning miqdorlari.
  

Ekologik meʼyorlash – bu davlat organlarining atrof tabiiy muhit sifatini, tabiiy resurslardan foydalanish hajmini va boshqa koʻrsatkichlarini belgilash boʻyicha faoliyatidir. Ushbu faoliyat vakolatli davlat organlari tomonidan amalga oshirilib, sertifikatlashtirish, standartlashtirish va boshqa meʼyorlarni belgilashda namoyon boʻladi. Ekologik meʼyorlar tabiiy resurslardan foydalanish, atrof tabiiy muhitga zararli taʼsir koʻrsatishni tartibga soluvchi huquqiy ahamiyatga ega boʻlgan texnik koʻrsatkich hisoblanib, har xil shakllarda oʻz aksini topadi. Ekologik meʼyorlash esa ushbu koʻrsatkichlarni belgilash, tasdiqlash va joriy qilish bilan bogʻliq boʻlgan davlat organlarining faoliyatidir.
Rozilik berish (sanksiyalash) uslubi deb davlat organlarining foydalanuvchilar tomonidan tayyorlagan meʼyorlarni hamda foydalanishga oid boshqa qoida va tartiblarni tasdiqlashi va rozilik berishi tushuniladi.
Ekologiya sohasida boshqaruvni taqiqlash (man qilish) uslubi atrof muhitni muhofaza qilishni tashkil etishda keng qoʻllaniladi va tabiiy resursdan foydalanish yoki tabiiy hududlarda maʼlum bir faoliyatni amalga oshirishni taqiqlash orqali man etishda ifodalanadi.
Ekologiya sohasida davlat boshqaruv organlarining vakolat doirasida qabul qilgan qarorlari ekologik munosabatlar subektlariga nisbatan majburiy hisoblanadi. Ammo majburiy koʻrsatmalar berish uslubi ushbu davlat organlarining faoliyatida asosan ekologik nazoratni amalga oshirish jarayonida qoʻllaniladi.
Ekologiya sohasida davlat boshqaruvini amalga oshiradigan organlarning doirasi kengdir. Oʻzbekiston Respublikasining qonun hujjatlariga muvofiq, ekologiya sohasida davlat boshqaruvini amalga oshiradigan organlar umumiy va maxsus vakolatga ega boʻlgan davlat organlariga boʻlinadi.