Kasbi bo’yicha O’quv dasturlari to’plami

Laboratoriya ishi.
1. Turli mikroorganizmlarning tirik va bo`yalgan holdagi preparatlarini mikroskopda ko`rish.
2. Bakteriyalar, mog`or zamburug`lari va achitqilarini mikroskoplashtirish.


2-mavzu. Mikroorganizmlar fiziologiyasi, oziqlanishi va nafas olishi.
Moddalar almashinuvi, tirik organizmlarning oziqlanishi va nafas olishi. Aerob va anaerob mikroorganizmlar. Mikroorganizmdagi fermentlar. Oziq-ovqat sanoatida fermentlardan foydalanish.
3-mavzu. Mikroorganizmlarga tashqi muhitning ta`siri va
ularning tabiatda tarqalishi.
Mikroorganizmlar rivojlanishiga haroratning, havodagi namlikning, yorug`likning, kimyoviy moddalarning va biologik omillarining ta`siri. Havo, suv va tuproq mikroflorasi.


4-mavzu. Mikrobiologik jarayonlar va ulardan oziq-ovqat sanoatida foydalanish.
Spirt va sut kislota hosil bo`ladigan bijg`ishning oziq-ovqat mahsulotlarining buzulishiga ta`siri. Chirish va uni vujudga keltiruvchi mikroorganizmlar.


5-mavzu. Ovqatdan zaharlanish.
Ovqatdan zaharlanish va uning turlari. Salmonella, stafilokok toksinidan zaharlanish. Botulizm. Og`ir metal tuzlaridan zaharlanish (Mis, rux, qo`rg`oshin, mishyak). Tabiatan zaharli mahsulotlardan zaharlanish (zamburug`, o`sib ketgan kartoshka, marinka balig`i). Ovqatdan zaharlanishning oldini olish choralari. Ovqatdan zaharlanganda birinchi yordam ko`rsatish.


Ovqatlanish fiziologiyasi asoslari, sanitariya va gigiyena fani bo`yicha amaliy, seminar, laboratoriya mashg`ulotlari va mustaqil ishlarni tashkil etish bo`yicha ko`rsatmalar
Ovqatlanish fiziologiyasi asoslari, sanitariya va gigiyena fani bo`yicha amaliy, seminar va laboratoriya ishlari har bir mavzu yakunida tavsiya etildi. O`qituvchi talabalar bilim saviyasi va o`qitish shart-sharoitlaridan kelib chiqib, bu ishlarni tashkil etadi. Amaliy, seminar va laboratoriya ishlarini tashkil etishda o`quvchilarga oldindan mavzular tavsiya etiladi, reja berish maqsadga muvofiq. Har bir o`tkazilgan amaliy ish albatta tekshirilishi va baholanishi lozim. Amaliy, seminar va laboratoriya ishlarini tashkil etish o`quvchilarning mustaqil ishlarining davomi bo`lishi kerak.