Kasbi bo’yicha O’quv dasturlari to’plami

Tuzuvchilar:	D.Nosirova	–
1-Toshkent pedagogika kolleji o’qituvchisi.
Taqrizchilar:	M.Mo`minova	–	1-Toshkent pedagogika kolleji o’qituvchisi.
	G.Muzaffarova	–	Toshkent shahar 41- maktab direktori

Kirish
“Ovqat tayyorlash texnologiyasi va oziq-ovqat tovarshunosligi” fanlaridan tuzilgan ushbu dastur pedagogika kollejlarida pazandachilik bo`yicha to`garak rahbarlarini o`qitish uchun mo`ljallangan.
Dasturda mavzular oddiydan murakkabga qaratilgan bo`lib, anatomiya, fiziologiya va gigiyena, estetika, kimyo, fizika, matematika, mehnat muhofazasi, botanika kabi fanlari bilan uzviy bog`lanadi.
“Ovqat tayyorlash texnologiyasi va oziq-ovqat tovarshunosligi” fani bo`yicha to`garak tashkilotchisining bilim malakasiga qo`yilgan talablar: fanni o`qitishda O`zbekiston “Ta`lim to`g`risida”gi Qonuni va “Milliy dastur”ga amal qilish, mavzularning har birini zamon talabi, iqtisodga bog`lashda, fan bo`yicha Davlat talablariga mos kelishi kerak. Yangi taomlar va milliy taomlar tayyorlash texnologiyasining qo`llanishi, yangi ishlab chiqarishlar va ularning faoliyati, yutuqlari asos qilib olinadi. Taomlar tayyorlash uchun oziq-ovqat mahsulotlarini to’g’ri tanlash, ularga to’g’ri birlamchi ishlov berish, to’gri issiqlik ishlovi berish, estetik did bilan bezatib dasturxonga berish va bu jarayonlarda kerakli asboblar, idishlar va jihozlardan to’g’ri foydalanish tavsiya etiladi.