Kasb tanlashda uchraydigan xatoliklarni oldini olish omillari Reja Kasb tanlashda uchraydigan tipik xatoliklar. Kasb tanlashdagi onglilik va mustaqillik. Kasblarning murakkablik omillarini taxlil qilish

Ko‘pincha o‘quvchilar u yoki bu ishga do‘stlari, o‘rtoqlari, qarindosh- urug‘lari, tanish-bilishlarining maslahati bilan kiradilar. Bu borada maktabning ta’siri ham kam emas. Nihoyat, o‘quvchilardan so‘rash ko‘rsatganidek, bu sohada ijtimoiy axborot vositalari: vaqtli matbuot, radio, televidenie, adabiyot katta axamiyat o‘ynaydi. Tabiiyki, atrofdagi kishilar va vaziyatlarning ta’siri kasb tanlashni shakllantiradi. Lekin bunda shaxs ularni turlicha qabul qilishi va baholashi mumkinligini hisobga olmaslik mumkin emas. Masalan, o‘quvchilar o‘zlari uchun eng yaqin kishilar bo‘lmish ota-onalarining istagi bilan hisoblashmasdan kasb tanlashlari mumkin. Atrofdagi kishilarning fikriga qaramasdan kasb tanlash hollari mavjud. Bunga sabab shuki, kasb tanlash muhit ta’siriga passiv javob sifatida emas, balki ongli harakat sifatida ro‘y beradi. Bunda tashqi ta’sirlar qayta ishlanadi va idrok qilinadi. Kasb tanlashda onglilik darajasi odam kasbni qanday tanlashiga, u jamiyat talablarini, shaxsiy xususiyatlar va qiziqishlarni qanchalik hisobga olishiga bog‘liq bo‘ladi.