Kasb tanlashda uchraydigan xatoliklarni oldini olish omillari Reja Kasb tanlashda uchraydigan tipik xatoliklar. Kasb tanlashdagi onglilik va mustaqillik. Kasblarning murakkablik omillarini taxlil qilish

YUqorida aytilganlarning hammasini kasbga yo‘naltirish ishida odamling shaxsiy xususiyatlarini o‘rganishning rolini kamsitishdir, deb talqin kilish yaramaydi. Aksincha, odamning shaxsiy xususiyatlarini hisobga olmay turib, shaxsning sobitqadam shakllanishiga erishib bo‘lmaydi. O‘quvchilarning shaxs xususiyatlari, qobiliyatlari, qiziqishlari, xarakterini, jismoniy kamolotini bilish o‘quvchilarni faoliyatning qaysi bir turiga tayyorlash maqsadga muvofiq ekanini belgilash uchun zarur. Bunda odam o‘zining tabiiy xususiyatlari bilan belgilangan ezgu kasbni qidirish va-zifasi o‘rtaga qo‘yilayotgani yo‘q, balki tarkib topgan psixologik xususiyatlar va jismoniy belgilar bo‘yicha shu odam uchun birmuncha maksadga muvofiq bo‘lgan kasbiy faoliyatning umumiy xarakteri yoki kasblar tipigina aniqlanadi. SHaxsni o‘rganish haddan tashqari bir tomonlama tusga ega bo‘lmasligi lozim, chunki bu hol uning kasbga yaroqliligiga baho berishda va uning kamol topishi yo‘nalishini belgilashda noto‘g‘ri xulosalar chiqarishga olib kelishi mumkin.